السلام عليكم ورحمة الله وبركاته
يا جماعة أنا احترت في حكاية الروك والكارد اللي بوقع منه والجائزة
وسألت كذا واحد وكل واحد ليه رأي مختلف عن الثاني ..
انا قلت أشوف رأي الأغلبية
أنا اللي فهمته من الإيفنت وترجمتي المتواضعة إنه الروك حينزل .. ولو ما ماتش في 10 دقائق
حيستعين بغيره وينزل روك ثاني ويونيكات ثانية .. ولو ما ماتش الروك الثاني حينزل بعده مدوسا
طيب ..
الجي أم بتقلك إنه الروك حينزل من كارت ل2 كارت .. الروك الأول والثاني
ماشي لحد كدا حلو ..
الكل عارف إنه مستحيل إنه الروك يموت في 10 دقائق
طيب بعد كده لمة يموت وينزل الكارد .. اللي حينزله الكارد حيفوز ولا لأ ؟
الإختلاف هنا بقى في رأي الجميع ..
انه بعد ما يموت الروك طبعاً بعد يجي ساعتين وينزل الكارد
الكارد مش حيبقاله لازمة ؟
لأنه في واحد قالي شرط انك تفوز لازم يموت الروك في أول 10 دقائق
وأنا فاهم غير كده .. انه لازم يموت في 10 دقائق عشان ما ينزلش روك غيره
ياريت حد يفهمني الصح ويقولي مين الصح !! انه الكارد لو نزل بعد ال10 دقائق حيفوز ولا ملوش لزمة
دي نقطة الخلاف الأولى ..
نقطة الخلاف الثانية .. المدوسا لمة تنزل حتنزل إيه ؟ إيه فايدتها ؟
آخر حاجة .. الكارد لو نزلي أنا .. ممكن أبيعه مثلا ؟
لأنه أنا كنت في بارتي ونزل لواحد معايا في البارتي وانا اشتريته منه
جاني واحد قالي نصب عليك والكارد جايبه من الماجيك بوب او كارد من إيفنت قديم عنده
أنا الكلام ده برضوا حيرني .. معقول الكلام ده ؟ من الأساس الكارد ممكن يتاع ؟
بتمنى الكل يشارك في رأيه وخاصة الناس اللي بتفهم إنجليزي صح
والناس كمان اللي نزلها الكارد تأكدلنا موضوع انه ينفع ينباع أو لأ
آخر نقطة خلاف بيني وبين واحد ثاني إيه .. قالي انه لو انا خدت الكارد واستخدمته مش شرط أفوز
لأنه لسة حيبقى في سحب بين الفائزين .. وأنا مشفتش أي كلمة في الإيفنت بتقول انه في سحب
إيه رأيكم برضوا في الكلام ده
طولت عليكم وبتمنى أفيد وأستفيد وبتمنى يتثبت الموضوع عشان الكل يستفيد
شكراً