[مشمشه]

مساء الخير يا pharos :

عايزه اقولك انك موتنى من الضحك عشان طريقتك اللى كاتب بيها الموضوع دى دمها خفيف جدا

موضوعك انت كاتبه من زمان جدا بس وقع تحت ايدى انهارده واحنا فى شهر نوفمبر 2012

عشان كنت بدور على موبايل كويس وكنت خلاص هشتريه من موبايل شوب بس قولت ادخل النت الاول

واشوف الضمان بتاع موبايلاتهم بيكون فين والناس كانوا بيلعنوا فى الضمان بتاع يونيون جروب اللى

بتتعامل معاه موبايل شوب

وكمان لقيت الموضوع بتاعك فقولت لا وعلى ايه أقرف نفسى

اصلى كنت خبره زى صاحبك كده فى اللف على تصليح موبايلى القديم بس كان تبع اى تو

وبقيت واخده السكه قياسه راحه جايه راحه جايه وكل مره يفرمتولى الجهاز و اجربه هناك شغال زى الفل

اروح البيت يبتدى الهبل يشتغل والعفاريت تركبه

واخيرا وبعد مشاوير طويله لاى تو طلعت المشكله فى الميمورى كارد وغيروهالى بس بعد ايه بعد مقرفونى

والله اشتركت هنا مخصوص عشان اعلق عالموضوع بتاعك عشان كمان الفضول كان هيموتنى ونفسى اعرف صاحبك وصل لايه بعد كل اللف ده فى النهايه بقى؟

تحياتى مشمشه