[m_mm622]

تمام

بس انا شيلت الجمله دى علشان مينفعش تدعى على حد

جايبلك 10 اسئله ومنو لله الي هيدخل ويشوف التوبيك ومجاوبشي عليهم

- ايه الي يوجعك اكتر في الموقف دا لما حب حياتك تلاقيه معا اعز صاحب ليك تتوجع اكتر من خيانت (صحبك ولا حبيبك ) ؟

الاتنين

البنت الى حبتها لانها هتكون كانت بتشتغلنى
وصاحبى لانه هيبقى ندل
بس هعمل اكس على الاتنين

2- ايه اصعب موقف حصلك في حياتك ؟

مفيش حاجه فى دماغى دلوقتى
لانى بعرف اعمل كنترول واكمل حياتى بعد اى موقف سواء من بنت او ولد يعنى

3- لو الزمن هيرجع لوراء تتمني يرجع لحد فين ؟

اتمنى يرجع الزمن امممم لحد وانا فى ابتدائى
مكنش فية مسؤلية ولا كان فى الدماغ اى حاجه

4- لو الزمن هيرجعلك حد غالي عليك مين هوا ؟

بصراحه مفيش حد فى دماغى لانى صعب اخسر حد

5- هتعمل ايه لو عرفت ان الوحيد في حياتك الي ممكن يمسح دموعك هوا الي جرحك ؟

هتبقى صدمه شويه
بس الحمد لله بعمل كنترول لان زعلى على حد ميستاهلش ملهوش لازمه

6- ايه اكتر حاجه انت ندمان عليها وليه ؟

هجاوبك بس فى سرى

7- ايه الحاجه الي انت عملتها ورجعت تقول يارتني ما عملتها ؟

صدقنى مفيش حاجه فى دماغى
لانى بفكر كويس قبل ما اعمل اى حاجه ومش عارف دا عيب فيا ولا لا بصراحه

8-ايه الحاجه الي كان نفسك تححقها ومعرفتش وعايش حياتك علشان تحققها ؟

بمنتهى الامانه انى اخلى والدى ووالدتى يحجوا
مع ان والدتى حجت مره بس فرق كبير لما ابقى انا الى مطلعها

9-لو هتبقا رئيس جمهوريه ليوم واحد وليك بس صلاحيات في تغير 5 اشياء هيكون الخمسه ايه ؟

هما اكتر من 5 بصراحه
بس خلاصة الكلام لا يغير الله ما بقوم حتى يغيروا ما بانفسهم
انت لو غيرت 100 حاجه مش 5 والناس هيا هيا يبقى هتفشل
ولو الناس نفسهم اتغيروا مش هتحتاج تعمل ولا تغير

10- هتعمل ايه لو حبيبتك قالتلك تعالي اخطبني جايلي عريس النهارده ولو مجتش مش هكون ليكن وهيا صبرت معاك بس مش بيدها بقا وانت في نفس الوقت مش في امكانياتك انك هتخطب وكمان انت بتحبها موت هتعمل ايه ؟

بص انا عمرى ما احب ادخل موضوع الا وانا قده يا اما مدخلوش ( شغل .. خطوبة .. اى حاجه )
والموقف دا بالذات فية حاجتين
لو انا معنديش امكانيات كاملة يعنى معايا على ادى
هروح اتقدم واقولهم اقدر اعمل واحد اتنين تلاته طلعوا ناس تمام واتفقنا يبقى فله

انما لو انا على الجنط ومفيش خالص يبقى مش هروح احرج نفسى






نايس توبيك يا ريس