هتلاقى شويه بيشتموا ف مرسى
وشويه بيشتموا اللى بيشتموا ف مرسى
وشويه اشعار على شويه صور
على شويه ناس قلبها بيتحرق
الخ الخ الخ الخ الخ الخ
شويه فرحانين اوى وبيهيصوا بفوز الاهلى
شويه زعلانين من اللى فرحانين من فوز الاهلى
شوية بيشتموا ف البلد
وشويه بيشتموا ف الشعب
الخ الخ الخ الخ الخ الخ
احنا كل حاجه عندنا شويه وهتروح
اللى هيفضل بس حرقه قلب ام على ابنها ...
اناو انت بكره هننسى زى ما نسينا قبل كده كل اللى راحو
هنغير صوره بروفايلتنا اسود وبعد شويه هتتصور صوره جامده ف اى حته وتقوم حاططها وتشيل الحداد
هتعد شويه اى حد بينزل بوست هتقوله انت تافه واحنا ف ايه ولا ايه
وشويه هتنزل تقعد على القهوه عشان تهزر مع اصحابك
متخفوش شويه وكل حاجه هترجع لطبيعتها
هما شويه ... احنا كل اللى محتاجينه شويه ... بس شويه دم !!!