[!! Prince World !!]

الإباحية
مش ناس عريانه وناس تعبانه وجيل مكبوت

الإباحية
إنك تعمل مش واخد بالك
مع إنك شوفت الناس بتموت

الإباحية إنك تنكر دم اللي استشهد ف محمد محمود
وتتاجر بالدين علناً علشان أغراض مش علنية / دي الإباحية

والاباحية إن الدولة بترجع للخلف سنين
وانت بتقفل أكشاك الناس ومحلاتهم

الإباحية
ف القوت اللي بيغلي يا سيد
ف الفقر اللي سعيد ومعيّد
وف ناس قتلونا جهاراً واتسجنوا ف شرم الشيخ
يافضيلة الشيخ

الجوع إباحية
اللجنة اللي بتطبخ دستور إباحية
المعتقلات إباحية
تكفير الناس إباحية
وطابور العيش إباحية

والله ده مش سوء النية
أنا بس بطالب بالحق اللي أنا جبته وضاع
بطلب حق التجار والعمال والصُّناع
بطلب حق الدولة اللي بتنزل بهدوء للقاع


معلش علي اللي فيا
بس اكيد دة مش حاجة تلقائية
دة من ناس مفترية


اهم حاجة جماعتهم
بياخدوا من الناس صحتهم
في وقت ما بيكونوا فية عز شدتهم


يابية !!!
هقول اية ولا اية ولا اية
ما خلاص ماعدش حاجة تتقال علية


و علي رأي مثل قديم
بكرة نقعد جنب الحيطة ونسمع الزيطة

....

نصها من تأليفي
يارب تعجبكم