[xTHE_Draagon]

افهمك النظرية ببساطة اللي مخليانا مينفعش نعمل دة..بس ياريت تقرأ للاخر
هي ملهاش علاقة بأمريكا ولا بأتفاقيات ولا بمزاج الرئيس
الموضوع بسيط جداً

دلوقتي الدولار هو اللي بيتقال عليه العملة الصعبة ! صح ؟
و احنا دولة مش بتصنع كل حاجة بنفسها و مش بننتج كل حاجة بنفسنا...
يعني بنستورد شوية حاجات كدة من.. غيرها مينفعش نعيش..
زي القمح و الرز وبعض الاجهرة و غيرو و غيرو...
و الناس اللي بنشتري منها القمح و الرز و الكلام دة بتطلب دولار مش جنية

دلوقتي لو عملنا قناة السويس بالجنية..!
كدة مش هيبقا عندنا مصدر للدولار و مش هنقدر نشتري السلع المهمة دي

الحل ايه؟
الحل علشان نقوي الجنية المصري ويبقا عملة سعرها غالي...
اننا نصنع و ننتج ونصدر

ودة هيفيدنا بحاجتين..!
الاولي
اننا مش هنكون محتاجين اننا نستورد القمح و الرز علشان هننتجوا بنفسنا

التانية
لما نيجي نصدر المنتجات بتاعتنا...
نشترط علي اللي هيشتريها انو يشتريها بالجنية
بكدة المستورد دة هيضطر انو يروح للبنك المركزي المصري علشان يجيب الجنية اللي هيشتري بيه منتجاتنا
ويشتري الجنية مقابل الدولار
بما ان الطلب علي الجنية هيزيد..فسعروا هيغلا تلقائي
ساعتها بقا الحكومة بتكسب مرتين...
-مرة لما تبيع الجنية مقابل الدولار
-مرة لما بتيع المنتج نفسوا



شوفت بقا ان الدولة المنتجة ازاي بيبقا ليها أولوية
و هي اللي بتحط الشروط علي مزاجها !
ياريت اكون قدرت اوصل الفكرة ببساطة.. ^^

[وباذن الله هنقدر نبقا من الدول المنتجة دي]
[و الراجل اللي ماسك الدولة دة..انا عمري مهندم مرة وحدة في حياتي اني اديتو صوتي]
[و عمري مهشك للحظة واحدة في أمانتة]