اقتباس:
المشاركة الأصلية كتبت بواسطة AltaiIR
لعبة فاينال فانتسي الاربيجي اعلي من باتلفيلد 3 في الجرافيك ؟انا غلطانلك ياعم وانا اسف
بس عاوز اقولك حاجة اي شركة بتنزل لعبة جديدة بتبالغ في المواصفات اللي بتشغلها دعاية يعني للشركات بتاعة كروت الفيجا والبروسيسورات زي انتل واي ام دي و اي تي اي و نيفيديا واكبر دليل علي كدة bf3 نفسها قبل ما تنزل كانو كاتبين مواصفات خيالية وكنا بنقول ان كارت 6990 مش هيعرف يشغلها كويس وفي الاخر طلعت بتشتغل علي مواصفات قليلة وعادية وعلي فكرة انا اشتريت باتلفيلد 3 اول ما نزلت ولعبتها اونلاين وكانت عادية لكن كان في لاج شوية عشان الضغط الجامد عليها وسرعة النت عندي 1 ميجا والسيرفرات كانت زحمة
شركة زي سكوير إنكس
اللي عاملة فاينال فانتسي دي عاوز تقولي انها فجأة كدة عدت شركات زي يوبي سوفت و ea واكتيفجين في الجرافيك مرة واحدة كدة حرام عليك دنا ابطل العب العاب خالص بقا
وبعدين منين انت لعبت الاتنين انت كلامك متناقض خالص شوف انت قولت ايه فوق
فمنين لعبتها ومنين لعبت باتل فيلد اظن هتقولي جربتها عن واحد صاحبي
وانا اسف عالاطالة واسلوبي اللي اتكلمت بيه فوق انا اسلوبي وقح شوية بس بجد انا اسف علي الدبش اللي برميه
|
لا ياباشا مش عند واحد صاحبى ولا حاجة لأن اساسا مفيش كتير فى مصر عارفينها او بيلعبوها , انا لعبتها هى و Tera و Guild wars 2 فى معرض العاب لو تعرف نظام المعارض دى و انا مسافر بره , و من ساعتها عشقتها و كان نفسى العبها لانى من عشاق فاينل فانتسى من ايام ps1 لحد اخر جزء ليها على ps3 , اللى فاتنى بس الجزء ده بتاع الاونلاين FFXIV , و بعدين الشركة مش بتهول فى الامكانيات و لا حاجة , و عندك يا سيدى الفديوهات شوف الامكانيات بتاعة الاجهزة اللى مشغلاها , و بعدين لو حتقولى عشان ال recording مقلل ال fps , حقولك شوف الفيديو الاخير ده تصوير بكاميرا عادية و بيعمل مقارنة بين كارتين شاشة عاليين و زى ما انت شايف ال fps مش بيوصل حتى ل 30 مع ان على كلامك المفروض يوصل مع الامكانيات دى 60 مستريح , انا بس بقولك من تجربتى مع العاب اونلاين كتيرة جدا , يعنى مثلا لعبة Aion لو تعرفها , دى محتاجة امكانيات عالية , يعنى core 2 quad و 4 gb ram و كارت فيجا محترم يشغلوهالك على ال high بدون مشاكل , والبروسيسور بتاعك كمان يشغلها لأن البروسيسور بتاعك مع انه دوال كور الا انه عالى لدرجة بتنافس كور 2 كواد و كارد الفيجا بتاعك كمان يعتبر عالى وكويس, اهى الامكانيات دى بقى تشغلك FFXIV على ال low و ممكن medium بالعافية مع لاج جامد , لكن استحالة على high و على ريسولوشن 1920x1080 , عشان تشتغل على high و ريسولوشن 1920x1080 لازم على الاقل core i7 , 8gb ram و و كارت فيجا عالى زى ATI 7950 او GTX 660 مثلا (كتبتلك اهو امثلة لتقولى كاتب عالى وخلاص هههههههه ) , و بالنسبة لاسلوب الكلام حصل خير و انا كمان بعتذر انى دخلت فيك شمال برده فى الرد , انا عادة مش بتكلم بالاسلوب ده لكن تعديك استفذنى بصراحة , عامة حصل خير يعنى و حنا اخوات يعنى فى النهاية
اقتباس:
المشاركة الأصلية كتبت بواسطة AltaiIR
انت اكيد مجربتش اساسين كريد او كول اوف ديوتي مودرن وارفار 3 او باتل فيلد 3 علي اعلي اعدادات
عشان تقول ان فاينال فانتسي جرافيكها اعلي من باتل فيلد 3
انا جيمر من 7 سنين ولعبت العاب بعدد شعر راسي وعارف انا بقول ايه كويس
|
بص بداية ماكنش لازم نقارن بين BF3 و FFXIV بس انت اللى ذكرت المقارنة عشان كده قلتلك ان الجرافيك أعلى , لكن اساسا المفروض ماتقارنش مابينهم لأن كل لعبة ليها اسلوبها الخاص فى الجرافيك , يعنى باتل فيلد الجرافك بتاعها واقعى عشان كده بالنسبة لك ممكن تحس ان الجرافيك بتاعها اكبر , لكن فاينل فانتسى من اسمها مش بتصورلك حاجة واقعية فممكن تحس ان الجرافيك بتاعها ممكن يكون رامى على انمى , لكن فى الدقة و التفاصيل و ال texture بصفة عامة مفيش بعد كده و زى ما قلتلك انا جربتها و شوفتها بعينى فعارف انا بقول ايه , فلو حنقارن من ناحية الواقعية يبقى BF3 هى اللى حتفوز , لكن لو حنقارن من ناحية الدقة و التفاصيل و الاضاءة يبقى اكيد فاينل فانتسى , و على فكرة انا لعبت كل الالعاب دى و بأعلى جرافيك و على جهازى كمان بالرغم انى مستضعفة لبعض العاب الاونلاين , و لو على مين جيمر اقدم , انا جيمر من سنة 1997 فاحسبها بقى ووشوف مين الاقدم ههههههههههه