السلام عليكم ورحمة الله وبركاته
كل سنة وانتم طيبين جميعا وبألف خير وسلامة يارب
بعد كل الصفحات الكتيرة اللى قلبتها بسرعه دى عاوز اقول شوية كلام
وياريت محدش يقعد يحور فى الكلام بتاعى
هتكلم كلام واضح وياريت كل واحد هيقرى كلامى يقراه بهدوء كده
وميكونش متحيز لا مع الاستاذ lock ولا ضده
أولا : اعتقد فى ناس كتيرة جدا فينا فكرت انها تعمل بوت بنفسها اما انه يكون ملك نفسه وهو اللى بيعمل تحديث لنفسه وكل حاجه وكمان ببلاش
أو فينا اللى فكر انه يعمل بوت ويكسب من وراه فلوس
فمش عيب ابدا ولا اى حد بيعترض ولا ممكن يعترض ان اى حد يفكر يعمل بوت
ثانيا : انا مش هقعد بقى اتكلم فى 33 صفحة واقول فلان قال وفلان عاد
بس سؤال واحد بس وياريت كل واحد يسأله لنفسه ؟
دلوقتى لو انت تعبت وطلع عينك 3 أو 4 شهور فى عمل بوت للعبة
وبعد ما عملته واختبرته وشغال تمام أوى أوى عندك وعندك التيم اللى شغال معاك
وعند شوية من اصحابك (المهم انه شغال تمام)
ايه أول حاجه هتعملها ؟؟؟؟؟
اعتقد أول حاجه هتفكر تعملها انك هتقوم تتنطط من كتر الفرحة وهتسجل فيديو للبوت وترفعه على اليوتيوب
( ده اذا مكنتش اصلا كل ماكنت بتعمل حاجه فى البوت بتعملها فيديو وتنزله )
طيب فرضا كمان بقى ان البوت اللى حضرتك عملته ده نزلته هنا فى المنتدى ومش شغال مع الناس والناس عماله تشكك فيك وتشتمك هتسكت كده عادى ؟
ولا ابسط ابسط ابسط الأمور انك تصور فيديو من جهازك للبوت وهو شغال علشان تسكت الناس اللى بتشتمك دى ؟
كل واحد عنده أمل فى البوت يفكر كويس فى الجزئية اللى فاتت دى كده ويجاوب لنفسه عليها علشان يعرف فى بوت ولا مفيش
ثالثا : طبعا فى ناس هتاخج كلامى بعقلانية عادى جدا وفى ناس هتدخل تشتمنى او على الاقل تعترض على كلامى وناس هتقول بيحقد عليه
انا فعلا معرفش اعمل بوت وماحبش برده ان حد يقولى مش عاجبك البوت روح اعمل بوت لنفسك لان مشكلتى دلوقتى مش ان البوت مش عاجبنى مشكلتى ان فى واحد عمال بضحك على الناس والناس للأسف مخدوعه فيه ومصدقاه
وعلى فكرة للعلم برده انا هقول سبب انى قريت الصفحات دى كلها منها اللى قلته بسرعه ومنها اللى ركزت فيه اوى
بكل بساطه انا بتعلم برمجة وكنت عاوز اتعلم اعمل بوت
ومكنتش عاوز الاستاذ لوك يشرحلى ازاى اعمل البوت
كنت عاوز بس اعرف ايه اللى المفروض اكون عارفه علشان اقدر اعمل بوت وانا هتعلم الحاجات دى لوحدى
وبعت رسالة للاستاذ لوك سالته عن الحاجات دى ومردش (على فكرة مش ده سبب كتابتى )
ممكن يكون معذور ومعندوش وقت عادى جدا رغم ان الرساله بقالها كتير جدا بس برده عادى
بس فى اكتر من سبب خلانى فهمت ان الاستاذ بوت ميقدرش يعمل بوت اصلا
يعنى بمعنى اصح معندوش الامكانيات اللى تخليه يعمل بوت
اول حاجه : انا قلبت الموضوع ده كله لما لقيت واحد بيهاجمه جامد اوى قلت يمكن يرد عليه ويقوله انا عامل البوت ده بالطريقه الفلانية وناقصنى بس كذا بمعنى اصح قلت يمكن الاقى اى معلومة هو ازاى عمل البوت واتعلم واعمل بس طبعا هو مقالش اى حاجه
وكل اللى يقوله كل شوية انا عامل البوت بحاجه اسمها
Back Edite Programing
ومره قال Back Editor Fx Programing
وبكل بساطه عملت بحث عن الحاجات دى وملقيتش اى حاجه ليها علاقة بالبرمجة بالاسم ده
وانا كنت عارف من قبل مابحث ولو اى واحد فيكم عاوز يتأكد يبحث عن الكلمتين دول
واتحداه انه يلاقيهم مكتوبين كده غير فى رد الاستاذ لوك يعنى اتحدى اى واحد يجيبلى الجملة دى
Back Edite Programing
بنفس الحروف وال 3 كلمات لازقين فى بعض غير فى رد الاستاذ لوك فى الموضوع ده
الحاجة الاهم اللى خلتنى واثق فعلا انه ميقدرش بقى عارفين اىه هى ؟؟
الاستاذ طارق اتحداه انه يعمل برنامج شات للعبة يرسل للسيرفر مباشرة
وهو قعد منفضله كتير جدا جدا
وبعدين فى الاخر حط لينك موضوع كده
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
وطبعا مش برنامج شات للعبة ده مجرد برنامج بيعمل غرفة والناس تخش تتكلم فيها
وطبعا بدأت ابص على الردود علشان اشوف الناس جربت البرنامج وشغال ولا لأ ؟
وفوجئت فى الصفحة التانيه برد اخ من المنتدى عندى مشكله بيطلعله ايرور معين
قام الاخر لوك رادد عليه برد بسيط اوى قاله
مـــنـــ الواضـــح انـــ فـــى مشكله فى البرنامج
هيتم حلها بأذن الله
والكلام ده من اكتر من شهر ومتحلتش وطبعا هتقولولى يمكن يكون مشغول هقولكم عادى
بس المشكله مش فى انه محلهاش لحد دلوقتى المشكله بقى
ان الايرور اللى طالع ايرور ظريف جدا وتافه جدا واى مبرمج صغير لسه مبتدىء فى برمجة الشبكات كان عرف السبب وانا رديت عليه هناك وعرفته ايه هو الايرور
المشكله ان البرنامج بيحاول يعمل كونكت على اى بى داخلى يعنى اى بى معاه فى الشبكة
يعنى مثلا كانك انت واخوك فى البيت واخدين من راوتر واحد بيبقالكم اى بى بينكم وبين بعض
لكن لو بتعمل كونكت على اى حد بره الشبكة بتاعتك بتعمل كونكت باى بى مختلف تمام
فهو الظاهر نسى يغير الاى بى والايرور واضح جدا وبمجرد ما يشوفه اى مبرمج هيفهم كويس اوى
ساعتها وصلت لحقيقة مره وهى ان الاخ لوك ميقدرش يعمل بوت لانه بكل بساطه معندوش الامكانيات دى هو مجرد واحد بيشوف دروس ويطبقها وده مش عيب على فكره كلنا بنتعلم بالطريقة دى
بس علشان حد يوصل لمرحلة انه يعمل بوت لازم يكون عدى مرحلة انه يتفرج على فيديوهات
ساعتها حسيت انى صغرت نفسى لما طلبت من واحد كداب انه يساعدنى
اتمنى يكون كلامى واضح للكل بالمعنى المكتوب ومحدش يقعد يحور فى الكلام ويترجمه بشكل مختلف
وفعلا فعلا فعلا الواحد حزين ان الادارة سايبه الموضوع ده كده لان الموضوع ده عبارة عن مهزلة فعلا
واتمنى ان الاخ لوك لو عنده كلام تانى يقوله
ولو عنده فيديو كده مسجله للبوت وهو بيشغله من البداية للنهاية ينشره
وطبعا كل اللى هنا عارفين ان الفيديو ده مش موجود اصلا
بس الناس بتمنى نفسها وخلاص
واخر سؤال برده كل واحد يسأله لنفسه :
فى حد بينزل بوت جديد للعبه ومحدش غيره جربه قبل كده ولا شافه من غير مايقول للناس اللى هتستخدم البوت دى على الاقل
يا جماعه قبل ماتستبوا البوت لازم يكون عندك برنامج كذا وكذا وكذا
ويشرح طريقة تشغيل البوت ؟
طيب على الاقل يقول للناس ازاى تعمل باتش للميديا ؟ يعنى انت منزل ميديا باتشر خاص بيك ولا يستخدموا حاجه قديمه ؟
بلاش حد فى الناس اللى حملوا البوت عرف فين الخرايط ؟
ولا هيتغل على خرايط ايه ؟
شكرا واسف لو طولت على حضراتكم
سلام عليكم