[Lord_Of_Silkroad]

أيه يا مشرف ده انته مرتشى ولا أيه
ولا تكونش صينى بتساعده فى اللى فيه
طب بوص بئا يا برنس أنا هعمل فيكو أيه
هولعلكو فى الدنيا والعالم و باللى فيه
طب شيلو المشرف ده بدل ما خليه
يكره روحو وحياتى و إشرافه فى الدنيا دى
****************************
حبيبى بهزر طبعاً وحدد موقفك بسرعة انت مع مين بدل ما اديك غزة واجرى وراك سنتين
****************************
المنظومة الشعرية اللى جت فى مخى وانا بشترى الفراخ من عم فاروق
***************************************
ياد مين اللى ضحك عليك وقالك إنك لعيب
ده الأوربى ده عمك وفضلو عليك كبير
ده حتى أما تخش تاكسى تسأل عليه من بعيد
وبتبقى طاير من الفرح لو لقيته ساحر
طب ليه انته فى كل مكان بمنخيرك حاشر
الأوربى ده عظيم واللى ميعرفش يبقى أعمى
تديلو فلوس كتير يظبطك وتبقى الحياة أحلى
أى نعم انته الأول لكن احنا برضو أقوى
لو تيجو راجل لراجل حياتكو هتبقى وحشة
وشايللى سن وانته خايف من خيالك
طب ليه تشيلو ليه ولا هوا مش بتاعك
طب تعالا أقولك كلمة والله بجد عاوزك
بلاش تقرب منى بدل ما تفضح نفسك
طب أنا قوى انت فين ميزتك
ولو خلصت بورتاك هتعد على الأرض تعيط
فبلاش فى كل مناسبة تعد تهيص وتزيط
تعلا وقت السحور ونتقابل على طبق طعمية
و لو غلبتنى يا برنس يبقى الحساب علية
وان كنت عارف لو اتغلبت مش هتطلع قرش وتدفع
ومنين الفلوس منتا كل شوية تدفع
بورات عشان متوموتش ومنك الدروبات تقع
مستنيك ترد بقى بحته كدة جامدة
وللى عنده كلمة يقولها مفيش فايدة
ده الصينى حتة بيتكسر بسرعة ووحش
طب ليه بقى اختارتو تلاقيك بتتقلش
***********************************
وهنا انتهى وحى الشعر عشان عم فاروق جاب الفراخ وقاللى هتدفع ولا انفضك معاهم
مستنى ردك يا جميل ** ولو كنت راكب فيل ** هوقعوا بردوا
سلام بقى مستنى ** مجبتوش برضو طبق الفول اللى بتالكمونى ماشى