اذا كان شحن السيلك حرام عشان بتضيع وقتك وفلوسك وما بتخليكش تصلى او تتعبد ......
يبقى بالقياس على ده ...
دخولك المنتدى حرام لانه تضييع وقت ...
ودخولك على النت حرام لانه تضييع وقت وفلوس ...
والفرجه على التليفزيون والدش حرام لنفس الاسباب ...
والمشى فى الشارع اللى فيه ستات ماشيه حرام ...
والدراسه فى الجامعه اللى فيها البنات حرام ...
والشغل اللى فيه ستات حرام ...
طيب مابلاش وجع دماغ ونقعد فى البيت بلا دراسه ولا شغل ولا نت ونقعد طول النهار والليل فى البيت ونقرا قران ونصلى ونتعبد يمكن ربنا يفتح علينا ونبقى شيوخ من شيوخ النت والدش وهات يافتاوى عمال على بطال وكله بفلوس ....
او من الافضل نشوف صحرا مافيهاش حد وماتنساش تاخد معاك معزتين لزوم الاكل وصلى واتعبد زى مانتا عايز وسيبك من الناس (الكفره ) بتوع النت والمنتديات والسيلك روود....
يااخى انتو زهقتونا فى عيشتنا من كتر الاسئله والفتاوى فى الحلال والحرام وبقى المسلمين عايشين فى تخلف وجهل لان كل حاجه بقت حرام مع ان الاسلام دين يسر وسماحه واحنا عملنا زى اليهود نسال فى كل صغيره وكبيره ونصعب الامور على نفسنا وخلينا الاسلام مجرد دقن وجلابيه وحجاب وبعدنا عن التعاليم الاساسيه فيه...
التزمو باداب واخلاق الاسلام ... ساعتها مش محتاج تسال عن الحرام والحلال .....
والحياه مش عباده وبس لان ربنا ماقلش كده......
العب واتمتع بالدنيا فى حدود القيم والمبادىء الموجوده فى الدين ...ماتسرقش ماتغشش ماتزنيش ماتكدبش ززز خد باباب الدنيامن العلم والرقى....
واعمل لدنياك كانك تعيش ابدا ...واعمل لاخرتك كانك تموت غداا( صدق رسول الله عليه الصلاه والسلام ).