اقتباس:
المشاركة الأصلية كتبت بواسطة mahmoud360
معلش انت فهمتنى غلط انا مش عايزها على رابط واحد انا قصدى يكون سريع مثلا ميديا فاير حتى لو 10 روابط اصل الرابط ده مش بيردا ينزل من internet download manager وبينزل من التنزيل العادى بتاع google chrome والسرعه مش بتعدى 20 كيلوبايت
|
يا كبير انت قولتلى عايزها على لينك واحد سريع
طلبت الطلب دا بتاع 3 مرات وبعتلى رسالتين وللعلم انى جبتهالك من اول مره
اللعبه اصلا على 2 دى فى دى جبتلك كل واحد على لينك سريع زى ما طلبت
ودلوقتى بتقولى لا قصدى كذا لينك .... :doh:
اللعبه 14 جيجا علشان اجبهالك على المديا فاير عايزه 140 لينك ( 100 ) او 70 لينك ( 200 )
دا حاجه
الحاجه التانيه يا جماعه والله الميديا فاير بيمسح الملفات على طول علشان حقوق الملكيه
ومعظم مواقع الرفع كمان زى جامبو فايل بتعمل كده
وحتى لو جبتلك لينكات 1GB هتبقى 13 او 14 لينك ومش كلهم هيبقى شغالين
يرضيك اجبلك لينك مش شغال ؟؟؟
جرب دور بنفسك على اللعبه كامله بلينكات كلها شغاله ... مش استحاله بس صعبه
هتلاقى واحد شغال واتنين لا
اما عن اللينكين الى انا جبتهملك دول من على موقع روسى وهتلاحظ ان التحميل مباشر من سيرفر اف تى بى وسريع وبيدعم استكمال الملفات
صوره من جهازى اهو
ومساله الانرنت داولود مانجر ... حضرتك الى مش عارف تحمل بيه
الطريقه الاولى
كليك يمين على اللينك واختار Download with IDM او بالعربى تحميل عن طريق IDM
او طريقه تانيه
كليك يمين على اللينك وتختار Copy Link location ودا سواء على الاكسبلرورر او الفاير فوكس
وتفتح داون لود انترنت مانجر وتختار Tasks او بالعربى مهمات
وتختار منها Add New Download او بالعربى اضافه تحميل جديد
وهتلاقى اللينك اتنسخ فى البرنامج
او طريقه تالته
من قايمه Downloads او تحميلات اختار option او خيارات واختار File typs او انواع الملفات
هتلاقى مستطيل فيه امتدادات الملفات الى البرنامج يحملها هتكتب انت امتداد اللعبه الى هوا MDX بس تفصل بينه وبين الامتداد الى قبله بمسافه ( مسطره )
اظن كده تمام اوى لان كل الصور من جهازى
