[!_ToGoO_MorY_!]

على فكره الكلام بيعيد بعضه بس هرد عليك نقطة نقطه

على اساس ان مفيش فى دريم غير وائل الابراشى؟ مشوفتش حضرتك العاشرة مساء قبل كده ؟ مكونتش بتشوف المزيعة الى كانت بتيجى الصبح وبستضيف ناس معارضة على طول الخط ونازلين هجوم فى المجلس العسكرى وبيحرضو عليه؟
وفى واحد تانى مش فاكر اسمة كان مش بيستضيف الا المعارضين بس حتى انا فاكر واحدة قالت فى برنامجه المشير شهد زور

لو قصدك على منى الشاذلى احب اقولك انك مشوفتهاش وهى بتهاجم الأخوان
و 6 ابريل لما قالت عليهم خونه وعملاء والكلام من ده ساعتها
واستضافت ابو اسماعيل ودكتور عبدالمنعم ومسكت عليه ذله فيه بتاعت الخروج عن الأسلام وغيره
يعنى الهجوم كان على عينه منها

قناة الجزيرة ده رايك فيها ...بس انا راى انهم كانو جايبين ميدان التحرير على طول الخط وعمرهم ما جابو حاجه عدله عن المشير او المجلس العسكرى وغير كده انا فى نظرى انها مش قناة مستقلة والى بيشغلها هو امير قطر ولو كانت قناة بتجيب الحقائق كانت هتكون زى bbc او العربية

اكبر دوله عربيه قلب الأمه لما يحصل فيها ثوره
عاوزها تهتم ولا لأ ؟

انا عن نفسى مكنتش اثق فى اى حد مدنى يمسك البلد فى الفترة دى لان البلد مكنتش مستحملة

وادى العسكرى مسك اتفرجت على البلد بقت ازاى ؟

والاستفتاء هو اخد راى الشعب ولو تتذكر الاخوان كانو بيقولو نعم والشعب هو الى اختار(يعنى هما الى حطو مصر فى الدوامة دى من الاول)
اما احداث محمد محمود فا انا لو متظاهر لى طلب هروح الميدان اما مجلس الوزراء ومحمد محمود كلام فاضى والى يتجازى على الحكاية دى ابو اسماعيل مش حد غيرو

والله لو حضرتك تعرف ان شارع محمد محمود ده جنب ميدان التحرير والعدد كان كبير اكيد فيه ناس هناك واقفه فيه
بلاش لو سمحت الحتت الفكسانه دى بتاعت الأعلام
وأبو اسماعيل كله ركبه معلش فى اللفظ

راجل طلع بحاجات هو ذات نفسه اول مره يسمع عنها
وده كله عشان راجل طالب بحقه وغيره وغيره بلاش نفتح الملف ده ونطلع عن موضوعنا

حضرتك ناسى ان المجلس العسكرى مسك البلد وهى مفيهاش شرطة ولا امن دولة والجيش هو الى كان بيحمى البلد فكان طبيعى ان حاجه زى دى تحصل خصوصا فى وجود الاعتصامات الى ملهاش عدد وقطع الطرق .. الخ
ولحد دلوقتى انا متاكد ان محدش غير المجلس العسكرى كان يقدر يمشى البلد ولو حد مدنى مسك كانت البلد هتتقلب فوضى والكل كان هيعارضة زى المجلس العسكرى بظبط (الفرق بس ان الجيش مكنش هيبق موجود واتفرج على كان هيحصل فى البلد )واهو محمد مرسى لما مسك ايه الى حصل 16 ماتو على الحدود والسبب الاساسى هو مفيش حد غيرو

مش بقولك انت بتناقض نفسك
السبب فى مقتل ال 16 جندى هو اهتمام العسكر بالى جوه وبالسلطه
واهمال الحدود تماما
يعنى العسكر هو السبب مش الرئيس
ورئيس ازاى لوحد يعنى فهمنى ؟
مش المفروض هو فى ايده السلطات دى كلها الى تخلي الدنيا تشتغل مع بعض ؟
وازاى يتقتل 74 واحد فى بلد الجيش التالت الميدانى فيها واول مساعده وصلت بعد 3 ساعات
طب حاجه كمان
شفت ماتش الأهلى والمقاولون ؟
ماتش الأتحاد والزمالك ؟
الى الجيش تقريبا هو والأمن منع فيها الاشتباكات بعدد قليل من الأمن غير الى كان موجود فى بورسعيد

ثوانى
هو البلد مكنتش فى فوضى صحيح وانشقاقات اثناء حكم العسكر ؟
والتفرقه ما بين اخوانى او غير اخوانى وعلمانى او غير علمانى ؟