[~Soon~]

ولا تفصلهملي ولا حاجة انا ارد عليك بكل بساطة

نبدا

اول صوره .. هى النار بتظهر فى جزء معين منوره وع الارض مضلمه !!

مش انت قولت مافيش أضاءه فى تصميمى !! .. طب فين الأضاءه بقى فى تصميمك !!

حضرتك الضلمة دي حدود الصورة ولو لسا مش فاهم اطفي نور الاوضة خالص وهات كشاف واعملو علي ايدك وشوف كل الاوضة هتنور ولا لا والاضاءة لو حضرتك تعرف حاجة اسمها flow في التصميم مكنتش سالت السؤال دة

النقد التاني

تانى صوره :الحد الأسود مينفعش يكون موجود فى صور البوسترات وان السماء مش مظبوطه وفى فراغ أسود فوق .. ده يدل ع ايه ؟؟

مين اللي قال كدا ؟؟ بس مش مشكلة دة كدا كدا اخر لير في الصورة يعني يتشال في ثانية مع ان الصورة دي تصنف كـــart work مش بوستر وبالنسبة للسما والفراغ الاسود حاول حضرتك تاخد بالك من مكان الاضاءة جية منين وانت تفهم ايه الفراغ الاسود

تالت صوره :فيها فكره نوعا ما لكن برضو مينفعش تعمل حدود للصوره .. وفلتر كلين اوفر ..

نوعا ما ؟؟ حدود الصورة مش حضرتك اللي تحدد ينفع ولا مينفعش تتحط وبردو دة يصنف كــart work مش بوستر وفلتر الكلين مش اوفر ولا حاجة لان هو اساس الصورة وهو اللي مديها المنظر دة

خامس صوره : الفونت لازم يبقى تحت لكن التصميم حلو

لو حضرتك بصيت تحت مش هتلاقي مكان للفونت يعني هو مناسب كدا جدا

رابع صوره : الفونت ضعيف جدا .. والشمس وحشه جدا وملهاش معنى لان السما كلها سحاب تقيل ويعنى ان في مطره نزله !!

اتفق معاك ان الفونت وحش بس دا عشان انا مرفعتش الصورة بعد التعديلات واعتذر علي كدا انما شمس ايه اللي انت بتكلم عليها ؟؟ مفيش شمس في التصميم اصلا دي فرش بتوضح شعور البنت شكلك ملكش في الكلام دا

سادس صوره : لا تعليق ..

.................................................. .................................................. .............................

طبعا انا مش هؤلك ان كل العيوب اللي انت طلعتها تافهة وتكاد لا تذكر بس انا هؤلك ان كل الناس اللي في مواقع التصميم زي (deviant art دة طبعا لو تعرفة و mexat اللي قسم التصميم فيه اقل واحد هناك يبينك مبتفهمش حاجة ) بيعجبهم طريقتي في التصميم وطبعا بينتقدوني بس نقد كامل حتي علي ادق التفاصيل وبصراحة اول مرة اسمع نقد يقولي مينفعش تحط حدود للصورة

حاجة تانية انا منتقدتش صورك عشان متزعلش مني عشان اللي هقولو ممكن يزعلك مني جامد او تاخد عني فكرة غلط .....

في الاخر طبعا انا رديت علي كل نقد انت قولتو (دة لو تحسب دة نقد) واديت سبب للحاجة دي ولزمتها ايه (مع ان انت كمصمم المفروض تكون عارف سببها ايه ولزمتها ايه)

وحاجة تانية كل مصمم ليه طريقته في التصميم بيحبها وبيعرف يعملها كويس انا مثلا بحب ادمج الخيال بالواقع يعني مثلا تنين بيضربو بالطيرات ... بنت بطلع نور من بطنها ..... وهكذا المفروض المصممين يعرفوا الحجات دي وطريقتها ونوعها من اول ما يشوفوا التصميم ولما يقولو النقد يقولو علي اساس كدا مش تقولي حدود التصميم

اخر حاجة حضرتك انا بقعد في اي تصميم وقت كافي جدا (يعني اكتر من 6 ساعات) يعني بحاول قدر الامكان ان التصميم ميكنش فيه غلطات ولما بخلص بنقد التصميم بنفسي قبل ما اعرضو علي المصممين التانيين عشان ابقا عارف غلطاتي ايه واحسن قدرتي ان انا انقد التصاميم واحسن من نفسي وقدرتي علي اكتشاف الاخطاء ..................

لو ليك اي كلام تاني اتفضل قولو بس ارجو انك تقرا ردودي اللي فاتت مرة واتنين يمكن تفهم اصدي

تحياتي