[_Hell_Flame_]

المشاركة الأصلية كتبت بواسطة Mentos عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

حبيبى ربنا يخليك و الله
و اكيد هكلم البنى ادم صاحب اليونيون اللى احنا فيها و هنقوله انك لازم تيجى معانا
لما تكون اونلاين ع الجيم كلمنى و بجد يشرفنى انى اعرف واحد زيك
اخوك -- عبد الرحمن ^^
و بجد بجد بجد كلامك اعجزنى عن الكلام ^_^

بسم الله الرحمن الرحيم

الأخ العزيز الفاضل / عبد الرحمن

سريعاً وبدون مجاملات أنا ببقى أسعد إنسان في الكون لما بلاقي ولاد بلدي في أي مكان وزمان والحمد لله وبفضل الله مشرفين بلدهم في أي مجال من المجالات حتى ولو كانت أصغر حاجة في الدنيا ولو لعبة حتى كمان لأني بموت في تراب مصر .. ثانياً أنا مش بجاملك بس بجد إنت إنسان محترم جداً برضوا ودي مش غريبة أبداً على شباب مصر الجدعان ولاد البلد الأصيل بلاد وادي النيل ... كنت كلمتني إمبارح بخصوص إننا نضم الجيلد مع بعضينا ونروح معاكم ولكن للأسف أنا فوجئت بسيل من الحزن والغضب من أعضاء الجيلد بتاعي زعلانين من حاجة زي دي مش عشان معاكم لا سمح الله ولا حاجة بس عشان هما اتعودوا يكونوا هنا ومع بعض وبينهم ذكريات جميلة وحلوة وحاسين انهم كده حيشتتوا في الأرض بس في نفس الوقت هما كتير فرحانين أن لاعب محترم ومحترف زيك اداهم الاهتمام إننا نكون مع بعض في مكان واحد وبيعتبروه تقدير كبير منك ليهم ومن كل اللاعبين المصريين المحترمين أمثالك ... عشان كده طلبهم الصغير وأنا معاهم في أتحاد union ما بينا وبين الاتحاد الخاص بيكم وده لو كان في الإمكان طبعاً..
مع العلم أنه لو لا قدر الله محصلش كده برضوا فده مش حيمنع أبداً مدى تقديري أنا شخصياً وتقدير كل اللي معايا في العشيرة ليك ولجميع اللاعبين العرب والمصريين مهماً كان... وكده كده احنا مع بعض في السيرفير في أي وقت تطلبنا حتلاقينا معاك ووراك بكل ما أوتينا من قوة وكأنه الجيلد بتاعك بالضبط بدون أي مجاملات والله

ومفيش مجاملات بين الأخوات يا عبده باشا .... وكفاية أن اسمك خير دليل على ذلك ( عبد الرحمن )

بقدملك اعتذاري عن تأخيري في الرد عليك داخل اللعبة وده سببه البسيط أني ببقى طول الوقت مشغول بأحوال الرجالة جوه وبشوف ده وبروح مع ده وكده يعني واحياناً تانية ببقى بوت وأنت سيد العارفين

بتمنى أن يكون حديثي الطويل ده مش سببلك أي إزعاج واتمنى أن الزماله والصداقة ما بينا تدوم ونقدر نقرب كل اللاعبين المصريين والعرب المحترفين فقط من بعض عشان نقدر نوصل للهدف المنشود إن شاء الرحمن المنان يا عبد الرحمن.

سلامي وتحياتي لكل عشيرتك وتقديري الدائم لهم
أخوكم محمد يسري .... _Hell_Flame_