يبنى من الاخر فيه مغالطة حسابية
حسبنا الاتنين جنيه مرتين
انا جربت معاك 3 طرق
عشان عملوها قبل كده ومكررة وواحد استهبل وقال انا اللى خدت الجنيه
حسبنا الاتنين جنيه مرتين وده غلط
لو احنا فكرنا وقولنا ان كل واحد دفع تسعة جنية
يعني
9+9+9 = 27
و27+2(اللي خنسرهم الراجل )= 29
والسؤال هوو الجنيه راح فين
يبقي الحسبة كده غلط خالص
لان حنا كده حسبنا الاتنين جنيه مرتين
مرة باعتبار انها جزء من ال27 (يعني الفرق بين ال25 اللي هيا تمن التصليح وال27 اللي هما دفعوهم )
ومرة تانية لما ضفناهم علي ال27 وقلنا بيساوي 29
فغلط اننا نعتبر ان الاتنين جنيه هيا تكملة ال30
لا تكملة ال30هيا التلاتة جنيه اللي الراجل ادهالهم
يعني احنا لو رجعنا مع بعض للاول كده
انهم دفعوا 30
وبعدين الراجل رجعلهم 3 جنيه
يعني بقوا دافعين 27
ونقول معاهم الاتنين جنيه اللي الراجل خنسرهم يبقي كده 25
او لو طلعنا لادام وقولنا ان هما المفروض يدفعوا 25 بس بالاتنين جنيه اللي الواد خنسرهم يبقي 27
بالتلاتة جنيه اللي الراجل ادهالهم يبقوا 30
لكن مانقولش 27+2=29
والجنيه راح فين
لان باختصار الاتنين جنيه دول جزء من ال27 اللي هما دفعوهم مش جزء مضاف علي اللي دفعوهم