بسم الله الرحمن الرحيم
والصلاة والسلام على أشرف الخلق والمرسلين سيدنا محمد النبي الأمي
وكل من له نبي يصلي عليه ^^
دي أول مشاركة ليا هنا على هذا المنتدى الرائع والمبدع واللي دايماً موافينا بكل الأخبار الحلوة والجديدة والمعلومات المتميزة عن لعبة سيلك رود ده بالإضافة للمواضيع المبدعة اللي خارج نطاق اللعبة
عموماً وباختصار شديد لأنها أول مشاركة ليا وأرجو من الجميع أنه يسامحني على طريقة عرض الموضوع بس ده لأني مستعجل جداً جداً لأني للأسف من محبي لعبة سيلك رود بس من العواجيز هههههه
أنا أسمي محمد مهندس كمبيوتر وعمري 30 سنة ... عارف أني كبير على اللعبة شوية بس بصراحة أنا لما لقيت ناس أكبر مني بتلعبها وكمان نظراً لجمال اللعبة بشكل خرافي شدني بصراحة وخلاني احترفت - على قدي يعني فيها - هههه فأنا أتشرف أني اعرض على كل لاعبي سيرفير Gobi في silk road-R أنهم يشرفوني في جيلد مصري خالص بحاول اعمله عشان نقدر كلنا نعرف بعض جوه ونحاول نحد شوية من سيطرة أخوانا إياهم على السيرفيرات كالعادة هههههه وبتمنى يارب من كل لاعب يحس أنه يقدر حتى أنه يكون مشارك بنسبة 70% في اللعبة أن يشرفني في الجيلد أو العشيرة اللي ناوي أعملها
أنا أسمي جوه في الجيم : _Hell_Flame_
لفل : 70
الجيلد اسمه : _PHARAOHS_ الفراعنة ^^ وإن شاء الرحمن نحاول نثبت وجودنا جوه بمشيئة الرحمن وشكراً جزيلاً لكل من قرأ موضوعي وله مني كل التقدير والاحترام وتحية خاصة لكل لاعبي Gobi المصريين