[iMido]

اكيد كل الى شايفين التوبيك ده بيستخدمو الكمبيوتر
و اكيد انتا مش مولود خبير
يعن اكيد كان ليك قصه بدات بيها مع الكمبيوترات

بس وصلنا للموضوع كل الى عايزينو منك تكتبلنا قصتك
وبما ان انا الى عامل التوبيك انا الى هبدا

توكلنا على الله

انا بدايتى مع الكمبيوتر كانت لعبه GTA كنت مدمن GTA بعد كده بدات العب سيلكرود
بعد كده اتعرفت ع المنتدى من خلال جوجل لمل كتبت " برامج مساعده لسيلكرود "
عجبنى المنتدى فبدات ادخله كتيير بس فى وقتها اللعبه كانت اكتر كان الstyle لونه برتقانى و الlogo كانت بنت ماسكه شيلد لفل 52

بعد كده بدات اعتزل من اول م شفت موسوعه الفوتوشوب 2 بتاعه عبد المنعم
بدات ادعبس فى الفوتوشوب بس مفهمتش اى حاجه لان انا مش فنان
مكنتش بعرف اختار الالوان و مكنتش فى افكار كتير
بعد كده بدات ال video editing بس مكملتش شهر و نفضتلها خالص
بعد كده بدات البرمجه كنت مستصعب الموضوع جدا جدا جدا لدرجه انى فكرت انفض بس الفضل كله لجمله
' مشوار الالف ميل يبدا بخطوه '
مش هنام و اصحى الاقى نفسى محترف
والحمد لله 4 سنين علشان ابقى ( مش هقول مبرمج بس علشان دى وظيفه + انها كلمه كبيره اوى ) مبرمج هاوى

بس كده

معلومه اخرى
كل ده من سنه 4 ابتدائى احد 1 ثانوى
البرمجه لوحدها من 1 اعدادى
هيا قبل الفوتوشوب بس مكملتش شهر و سيبتها
وبعد كده رجعتلها بقوه

يلا عايزين تفاعل من غير سبام

سلاموز