السلام عليكم ورحمة الله وبركاته
النهارده بس اتصدمت صدمه ربنا مايكتبها علي حد ... انا بلعب سيلك رود من سنة 2008 وصرفت عليها دم قلبي وكل فلوسي ضيعتها علي سيلك رود لأني مابشربش شاي ولا سجاير فاعتبرتها بديل الشاي والسجاير.
مالقيتش شاب جدع في سيلك رود وعلي فكره انا اللي دخلت سيلك رود المنطقه عندنا ونشرتها بس خد الصدمه بقي
قلت بدل ماتذل نفسك يابني روح اشتري جهاز عالي واعمل بارتي من لفل 1 وطلعه وفعلاً اشتريت جهاز مالوش اخ في مصر بمواصفات خرافيه الناس كلها بتحسدني عليه..
بقيت بفتح 10 اكونتات في وقت واحد المهم عملت البارتي 8/8 شغلته 24/7 وكان ليا 3 اصحاب اتنين منهم مدمنين اللعبه وواحد ربنا تاب عليه.
واحد من الاتنين سرقني وسرق كل الايتمز اللي في البارتي وكل الايتمز كانت Rare والاسلحه Legend ومش كده وبس ده سرق الجيلد استورج انا اتقلبت في اكتر من 30 مليار ياشباب .
صدقوني انا ضغطي واطي جدا وحاسس بهبوط وممكن يجرالي حاجه يمكن مافتحش تاني ...بس حبيت اكتب الموضوع ده علشان لو جرالي اي حاجه يعرف صاحبي انه السبب.
انا فكرت انتقم واضربه وادمره بس قلت عقاب ربنا اشد واقصي لأنه سرق تعبي ومجهودي وفلوس وسرقني وانا استأمنته وآتمنته علي كل حاجه المحل والاجهزه وجهازي ..
صدقوني اصعب حاجه اما يخونك صديقك او حبيبك ...انا مش عارف اعمل ايه انا ضيعت صلاتي وضيعت وقتي ومستقبلي علي اللعبه دي وفي الآخر البارتي بتاعي كله اتسرف ومابقاش معايا 1 جولد.
حسبنا الله ونعم الوكيل
سيرفر Mars