[mohamed_1722]

يا جماعه شركات الجولد كانت عامله اتفاق مع شركه جى ماكس وفى عقود بينهم وحجات قانونيه انا مش فاهمها

بس بعد ما اللعبه ماتت وجوى ماكس مبقتش بتجيب حتى تكاليف تشغيل السيرفرات لازم ياخدوا خطوه عشان يحافظوا على شركتهم

وطبعا مينفعش يفسخوا العقود اللى بينهم وبين شركات الجولد عشان اكيد فى شروط جزائيه فكان الحل الوحيد انهم يعملوا لعبه جديده ويقفلوا القديمه

وده راى ناس كتير جدا

يعنى اما يعملوا كده او يقفلوا اللعبه خالص

وانا شخصيا شايف ان اللى عملوه كويس جدا اصبروا شويه وهتحسوا الفرق لما اللعبه تبقى خاليه من البوت والتلفيل اسرع وكل حاجه تمام

وبالنسبه لموضوع ال 8 ساعات اللى مزعل الناس كلها هنعمل مقارنه بسيطه

دلوقتى انا اقدر العب 8 ساعات من غير ما ادفع ولا مليم

ولو عايز العب 24 ساعه يبقى مضطر ادفع فلوس

لو تفتكروا من فتره مش طويله مكانش حد فينا بيعرف يدخل اللعبه من غير بريميوم والناس اللى معهاش كانت بتستنى كل يوم تلات عشان تعرف تلعب شويه

يبقى احنا مستفيدين جدا من اللى حصل ده