[poiu]

:)

الفيس بوك [ غمضت عينى ]

ايه بحلـــم

الفيس بوك [ غضمت عينى تانى ]

كابــــــــــوس



فــــكـــــرة كبيــــرة أوى اليومين دول

ملخبطة كيـــان الدنيا

مش عارف أبدأ فيها منين

نبــدا بالكستمرس [ العملاء أصحاب الأكونتس ]

بشر طبيعيين جدا

بيحاولو يتواصلو إجتماعيا عن طريق الفيس بوك

نبــدأ بعَد الفريندس

اللى لسه ما عداش الــ 100 فريند

ده لسه مبتدأ و معرفش الدنيا ماشية ازاى

تلميـــذ يا عينى

اللى عـــدا الـ 100

بس لسه بئا ما وصلش للألف فريند

ده كستمر طبيعى

يعيش و يتعايش

اللى تخطــى الألف

ده بئا يا معلم

لو ولـــد يبقى [ شخص مشهـــور ] ممثل أو مغنى ..إلخـ

أو

كان حاطط صورة بنت و إسم بنت

و أول ما وصل لعدد الفريندس اللى فـ دماغه

راح كاتب اسمه الحقيقي و حط صورة رومانسية أو صورته

و بدأ يعبر عن نفسه بتلقائية

واحد هيســأل طب ليه عمل كده

أرد و أقوله مهـــو عايز يتفشـــخر بعدد الفريندس اللى عنــده

طب لو كانت بنت بئا يا معلم و عندها أكتــر من 1000 فريند

دى بئا يا شقيق [ شـ .....] وش بدون نفكير

أو واحدة مشهـــورة

مالهاش حل تالت

أنا شخصــــيا مسجل فـ الفيس بوك من 2004

بس لحد دلوقتى عنــدى 73

أه و النعمة 73 بس

و اللى يغيظك بئا و يضـــايق

إنى عندى فـ الفاميلى 28

أصــل أنا مش بضـــيف حد معرفوش

مشكلة بتواجهنا إحنــا الشباب اليومين الحالين

لو مثلا الكستمر ده زيي كده

أبويا كان فلول

بس فلول من الحلوين اللى كانو بيحلو مشاكل الناس و كده

و إضطـــر إنه ينضم للحزب الوثنى الدينصرانى

أصله لو كـــان فلول من الناس التقيلة كان زمانى

مقدم برنامج فـ التى فى و القناة هتكون بتاعتى

بس أولا و أخيـــرا هو فلول

بصـــراحة حاجة [very 5ara ] إن أبوك يكـــون فلول

و يكــون بيقعد جنبك و أنت على الفيس بوك

دايما بوستـــاتك تحسس أصحابك إنك إنسان رجعــى

و معادى للساميه

خصوصا بعد اللى المجلس العسكـــرى بيعمله فينا

خلصـــنا من الأب

نيجى على الأخ الكبير [ شاب ملتزم دينيا و ملتحى ] (معنديش أخ بس دة للحبكة)

يشوف بوستاتك اللى منزلها بدعم من أبوك

يبدأ يشكك فـ طريقة تفكيـــرك

و يقول إنه مش شايف إبداع فـ اللى بتقوله

و حاول تكون متفتح شويه و إرتقى بإسلوبك

حاضـــر

تستنى لما أبوك يدخل ينام

و تروح كاتب يسقط يسقط حكــم العسكر

أخوك الكبير يقولك إنت يا تحرأ يا تمرأ

أخوك الصغـــير [ شاب روش لسه فـ سن المراهقة ] يقولك

بغـــض النظر عن البوست الـ " بروفايل بيك " بتاعتك شيك أوى

أبوك يكبس فجـــأة عليك و يشوف البوست

يكتفى بنظـــرة إستحقـــار مصحوبة ببعض الشتائم الصامتة

طب أنا كده هتجنن يا جدعان

سيبونى أعبـــر عن رأيي

دائمـــا و أبدا مشاكل بسبب الفيس بوك فـ المنزل

البيدجـ س يا معلم

90 % من الصفحات اللى بتكون جديدة على الفيس بوك

بتكون تحت عـــنوان [ فضيحة المطربة فلانه , أغنية الفنان فلان , إلحق قبل الحذف ]

و دائما البوست يحتوى على لو بتحب ربنا إضغــط لايك للبيدج من جوه

أنا بئا عايز أقولك للناس اللى بتقول الكلام ده

يعنــى أنت بئا و لا الإعلام المصــرى

دا إحنا فـ مصـــر بنتنبأ بالمشكلة قبل ما تحصل

عندك مثلا مذيعة بتوشوش الودع عرفت إن مجمع الضرايب هيتحرق قبلها بأربع أيام

و مذيع مكشوف عنه الحجاب عرف إن المجمع العلمى هيتحرق قبل الحريق بليلة

و حتى الشباب واحد منهم قال فى مجزرة هتحصل فـ بورسعيد قبل المجزرة بـ 13 ساعة

و بعدين يعنى هو عشان أثبت حبي لربنا أدخل صفحـة تافهة زي صفحتك


أدمين بيدج تلاقيه كاتب مثلا " عشـــانك قلبى حب و عاش "

تلاقى بنت كاتباله أول كومنت

حاسه إنك شاعر كمل كتابه على الكلام ده هتطلع أغنية جامدة

يرد عليها يقولها إن شاء الله أنا كملتها أصلا و بتفق مع مغنى يغنيها

يا ختى يا بيضــة

إسم النبى حارسك و صاينك لأمك يا حيلتها منك ليه







Poiu

╠ Mad Genius ╣