[Just_Warrior]

المشاركة الأصلية كتبت بواسطة ebrahem322 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

في شهوات الأنسان ميقدرش يعيش من غيرها زي الأكل و الشرب و التنفس و في نفس لوقت في شهوات الأنسان يقدر يعيش من غيرها زي اللي انت بتقوله و زي اللعب و زي الفرجه علي الأفلام و النت و حجات كتير اظن كده انت فهمت

يقدر يعيش من غيرها طول ما هوا نسيها
مش طول ما هوا ماشى فى اى حتة فى حجات تفكرو بيها
و بعدين احنا اتولدنا فى زمن كان الدين فية بيبقى ديما آخر حاجة
ومبنفتكرش ربنا غير لما تجيلنا ازمات ونحس اننا ملناش غير ربنا هوا القادر عليها
كلامك منطقى جدا
لكن بالنسبة لظروفنا احنا صعب
الشباب دلوقت مش لقين شغل عشان يتجوزو و يشبعو رغباتهم فى الحلال ف بيعمل الغلط عشان اقرب و اسرع و كمان على قد جيبة
ولو نظرنا للغالبية العظمى من الشباب اللى زيى و زيك
احنا نفسنا نتوب وبندعى ان ربنا يثبتنا على التوبة
لكن بنتعب جدا عقليا ونفسيا بسبب المحيطين بينا
بننزل الشارع بنشوف بلاوى
نقعد فى البيت و ماننزلش تلاقى التليفزيون مترشأ بنات عريانة و بوس و احضان
دا حتى لما الواحد بيجى ينزل يصلى يلاقى بنات ريحين دروس و البناطيل بتبقى هتفرقع عليهم
وحتى لو ربنا كرمة وغض بصرة و راح صلى
اول لما يقعد لوحد الشيطان ابن ..... يفضل يفكرة بكل حاجة شافها غصب عنة
وتبدأ المعانه من هنا
احنا لو متربيين تربية دينية حتى ولو بنسبة 40% كنا عرفنا ان كيد الشيطان ضعيف جدا
لكن للأسف مش بنفتكر غير بعد ما تقع الفاس فى الراس
ونندم على اللى عملناه
اكن سعتها بنحس اننا اتخلقنا عشان ندخل النار
والشيطان بقى يشتغل علينا و مخك يفضل يودى ويجيب وتقول فى نفسك ان انتا مبتكملش اسبوع على بعضة و انت ملتزم و نبدأ نبص للحيا بنظرة تشائمية و بنرجع ازفت ما كنا الأول
لأن مفيش حد بياخد بأدينا ملناش غير صحاب المعصية و بس
نفسنا فى حد ياخد بأدينا من القرف و النجاسة اللى احنا عيشين فيها دى
نفسنا ننضف بقى
نفسنا نضحك من قلبنا فعلا
نفسنا لما نسمع سيرة الموت منخفش ونقول كلنا لها احنا بنصلى و بنأدى فروض ربنا علينا ويوم ما يجى الجلنا مش هنخاف لأننا عملنا لليوم دا