يا لاجالة لازم كلنا نعترف ان فى حاجة غلط بتحصل ...... مين السبب وراها موش عارفين
بس اللى انا عارفو ومتاكد منو ان السبب ورا كل اللى بيحصل فى مصر القوى الاجنبية الموجودة بره مصر انا معاكم ان المجلس العسكرى مزودها شوية بس لازم نعرف ان اللى بيحصل فى مصر محطط من امريكا ومن اسرائيل علشان نقف النهاردة ونقول يسقط حكم العسكر ............
هى دى المشكلة اللى لازم ناحد بالنا منها وهقول السبب ايه من وجهة نظرى
1 : من المواد الاساسية للتدريس داخل الجامعات الاسرائلية (التاريح) وبيدرس فيه حرب 73 بكل روائعها بس بيدرسوها ليه اكيد موش علشان بيشوفو خيبتهم (لا) بيدرسوها علشان يعرفو هما غلطو فى ايه علشان سيناء تضيع منهم وده ان دل على شىء فانما يدل على انهم ما زالو حتى الان يطمعوا فى الحصول على سيناء مرة اخرى........
طيب واحد يقولى انت جبت ايه جديد محنا عارفين الكلام ده ..اقولو عندك حق معظم الناس عارفة ان اسرائيل نفسها تحتل مصر مرة تانية بس اللى انت ممكن متعرفهوش ان مصر فيها اقوى خط دفاعــــــــــــــــــــــــــــــــــــــــــــــ ــى وانا باكد على كلمة دفاعى علشان الجيش المصرى من اقوى الجيوش الدفاعية على مستوى العالم واكاد اجزم انو تانى اقوى جيش دفاعى بعد كوريا الشمالية
دى حاجة .....الحاجة التانية بعد الجيش هما الشعب اللى ممكن يكونو ستارة دفاعية اذا قدرت اى جهة انها تخترق الجيش الاول والتانى والتالت كمان ....... طيب ليه اسرائيل لغاية دلوقتى مدخلتش مصر قبل وبعد سقوط راس الافعى ..... حتقولو علشان معاهدة السلام
اقولوكو ان اليهود طول عمرهم محترموش اى معاهدة فى العصر الحالى او حتى ايام الرسول (صلى الله عليه وسلم)
طيب يعملو اي علشان يوصلو لمصر ...... اقولوكو يعملو ايه
اول حاجة يشيلو رئيس الجمهورية وتبقى البلد فى حالة فوضى علشان مفيهاش كبير .
على رأى المثل اللى ملوش كبير يشتريلو كبير..........
وطبها هما عارفين ان المجلس العسكرى هو اللى حيمسك البلد لغاية اما ييجى رئيس تانى طيب نيجى للحاجة التانية يوقعو المجلس العسكرى ازاى علشان خط الدفاع الاول لمصر ينهار اقولوكو انا .......
يعملو اى مصايب داخلية من شانها انها تضعف المجلس العسكرى وتخلى الشعب يقول يسقط حكم العسكر زى كل المصايب اللى بتحصل من سنة واخرهم كارثة بور سعيد .....
حد سأل نفسو الناس اللى فى التحرير عايزة ايه .... قالو عايزين مبارك يمشى وفعلا مشى مع العلم انو مازال فى اعتقادى بيحكم من داخل المستشفى بس موش موضوعنا.... قالو عايزين مجلس استشارى منتخب وفعلا حصل ومع اول مشكلة للمجلس ده (شارع مصطفى محمود ) المجلس قدم استقالتو.....
قالو عايزيين انتخابات مجلس شعب نزيهة وحصل فعلا ومعظم الشعب انتخب الاخوان والسلفيين وبرده رايحيين يحاصرو مجلس الشعب ويضطر رئيس المجلس انو يخرج من الباب اللى ورا..........
طيب قالو عايزيين رئيس جمهوررية المجلس قال ماشى فى شهر 6 طيب ليه الثوار موش صابرين 4 شهور ......اقولوكو علشان الثوار الحقيقيين للاسف ماشيين ورا عملاء لاسرائيل وامريكا هدفهم زعزعة البلاد وعدم الاستقرار بدليا انا شوفنا كلنا ماسك الفانديتا فى التحرير واللى بيتبع نظام الانالكية واللى موش عارف ايه هيه الانالكية يدخل على النت ويعف ايه هيا لان شرحها يطول عموما انا تعبت من الكلام
وعايز اقول بردو انى موش مؤيد للمجلس العسكرى ولا لنظام مبارك بس مؤيد للاستقرار والفهم لما يدور حولنا ....وكفايه دم ارجوكم لان المستفيد الوحيد من كده هما اعداء الوطن سواء من الداخل او من الخارج
واخيرا رحم الله كل من مات ظلما وبدون ذنب