[CHI-VA]

المشاركة الأصلية كتبت بواسطة lodveg عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لو تفتكرو انا كنت كتبت موضوع على ان الاكونت بتاعى اتسرق واتمسح من على ريف 6 وبعض الاعضاء مشكورين قالولى ان غالبا ده بج ولكن فى الحقيقه مطلعش بج ولا حاجه المهم انا هحكيلكم علشان كله ياخد بالو وميحصلوش اللى حصلى علشان انا مرجعتوش كده ببلاش لا كلفنى ستاف ليجيند +12 وديفل +افتار
مش هطول عليكم انا دخلت بأكونت تانى وحاولت اكلم الاكونت بتاعى اللى مسروق لاقيت واحد بيكالمنى وبيقولى انا عايز 12b على سيرفر نيبتون وارجعلك الاكونت وطبعا انتم عارفين علشان احول 12b يعنى عايزلى 24b المهم افيلتهالو انى مش هعرف ومش معايا المهم اتفقت معاه انو ياخد الستاف والديفل ويرجعلى الاكونت بس ده طبعا كان من حسن حظى انه كان حرامى ابن ناس من بولندا وحتى لما كنت بقولو انت سكامر كان بيتضايق جدا ويقولى انا لو سكامر كنت بعت كل اللى فى الاكونت ومستنتش لما تكلمنى هو طبعا مش مبرر بس اهو احسن من غيرو المهم حولت افهم منه ازاى عمل عليا هاك قاللى بكل بساطه انه بيشوف الاكونتات الجامده اللى معاها ايتمات جامده وبيجرب على جوى ماكس علشان فى ناس زى حالاتى كده عاملين اسم الاكونت نفس اسم اليوزر نيم وبيكتب اليوزر نيم وطبعا اللى بردو زى حالاتى مش عامل فارفيكيشن بعد ما يكتب الاى دى اللى على اسم الكاركتر بيجيلو السؤال السرى فمثلا انا كنت مختار السؤال بتاع ايه نوع العربيه المعلم قعد يجرب كل الماركات لحد ما جالو صح وطبعا جوى ماكس افندى مجرد ما كتب السيكرت بيجيبلو لو عايز تبعت البيانات على ايميل جديد ويعمل كمان فارفيكيشن كود بس ده كل اللى حصل يبقى كل اللى مش عامل فارفيكيشن كود حالا يعملو وياريت للى هيعمل يوزر نيم ميكونش بنفس اسم الكراكتر جوا الجيم ومعلش طولت عليكم بس انا جربت يعنى ايه اكونت تعبان فيه اكتر من 5 سنين وعلشان حاجه مش هتاخد 5 دقايق يروح منى فاقولت انصحكم

أولا مبروك عليك الاكونت رجعلك

ثانيا : انا اسف ليك بس الطريقه اللي بتقول عليها دي قديييييييمه اوي اوي وصعبه جدا .... صعبه مش ف الطريقه لا صعبه في الوقت تصور انه هيعمل كااااااااام خطوه علشان يوصل لاي دي وباس ورد شبه بعض

ثالثا : ده كان غلط منك انك تعمل اليوزر نيم والباس زي بعض...دا انا اول مره العب فيها سيلك رود من 4 سنين معملتش كده وطبعا كنت نووووب ومكنتش افقه شيييئ عن سيلك رود


تقبــــــــــــل مروري وتحياتي