اقتباس:
|
انا قريت الردود كلها كويس بس لسه مختلف معاك .. يبقى من حقي أستغرب .. مش لازم اقتنع بوجهة نظرك علشان أبقى قريت بتمعن .. يا ريت بلاش الإسلوب ده كأني مش فاهم أو مش عاوز أفهم وإنت بس اللي صح
|
انا قلت انك مش فاهم كلامي صح .. وفعلا حضرتك ومعظم الناس هنا مش فاهمين كلامي .. لو تحبوا اوضحلكوا كل نقطة علشان اثبتلكوا دا ... انا معنديش مانع ... لان كل بيتهمني ولا كاني بنادي بالتطبيع ودا معناه ان الناس مقرتش الردود كويس .. بمعنى اصح كسلت .. وحضرتك متقوليش انك مكسلتش في قراية ردودي كلها قبل ما ترد.. :)
اقتباس:
مش علشان بلعب لعبة عالمية يبقى موافق على كل الدول اللي فيها .. أنا ممكن أمشي في شارع بس مش موافق على كل اللي بيمشوا فيه .. وممكن أدخل موقع ومش موافق على كل اللي بيدخلوه .. وممكن اناقش شخص زي حضرتك مش موافق على كلامه .. متقوليش يا إما متلعبش اللعبة يا إما يكون ده تطبيع..
ولو كان مجرد لعبي اللعبة شيء من التطبيع في وجهة نظرك .. إيه رأيك في اللي يتعامل معاهم بشكل مباشر ويتبادلوا الخدمات والضحكات والمجاملات؟؟!!
ثم إنت بتدخل الديانات ليه في الموضوع كل شوية؟؟
|
اول دليل على كلامي اللي فوق .. حضرتك انا قلت اللي اعتبر تعامل الولد مع الصهيوني جوا اللعبة بشكل او بآخر تطبيع .. يبقا لعبك جوا اللعبة كلها تطبيع .. " اللي " وقلتها كذا مرة مش مرة واحدة .. انا مقلتش عليك مبتفهمش او مش فاهم .. لكن حضرتك مش فاهم كلامي او مش فاهم قصدي منه ايه .. ام بالنسبة لنقطة الديانات .. حضرتك اللي دخلت الدين مش انا .. راجع ردك الاولاني ...
اقتباس:
((لا ينهاكم الله عن الذين لم يقاتلوكم في الدين ولم يخرجوكم من دياركم ان تبروهم وتقسطوا اليهم أن الله يحب المقسطين * إنما ينهاكم الله عن الذين قاتلوكم في الدين وأخرجوكم من دياركم وظاهروا على إخراجكم أن تولهم ومن يتولهم منكم فأولئك هم الظالمون)) سورة الممتحنة
آدي بقية الآية والسورة .. ولو كان أسهل لك تدور عليها قبل ما حضرتك تكتب ردك..
يعني هنا التحريم موجود مش زي ما حضرتك بتقول مش دليل حرمة التعامل معاهم..
وكمان إنت بتصنف التعامل تجاري أو لعبة على أي أساس؟ دي في القانون اللي حضرتك درسته؟
اللعبة بالنسبة لي زيها زي التجارة .. إحنا مش ماسكين الدولة علشان أوقف التعامل التجاري او السياسي .. أنا أعرف إن (من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان) وده حديث صحيح رواه مسلم .. يعني إن انا معاملش شخص صهيوني مباشرة في اللعبة ده عالأقل إنكار المنكر بقلبي ..
والمبدأ مبيتجزأش فعلا .. أنا مجزأتوش .. كل حاجة في العالم فيها جميع الجنسيات بما فيهم إسرائيل .. يبقى مش من مصلحتي إني أتخلف عن العالم كله وأسيب كل ده .. بس مش لازم أخده مباشرة من إسرائيل او أتعامل معاهم بشكل مباشر .. دي مش تجزأة .. ده مبدأ الأخذ بالأولويات..
وحضرتك هنا اللي بتجزأ المبدأ مش انا .. إنت بتقول إنك مش مع التطبيع ، وتقول إن كل ده مش تطبيع .. وبعدها تقول إن مجرد لعب اللعبة تطبيع .. وبعدها تقول إن التعامل معاهم مش محرم..
|
انا كتبت ردي وقلت ان الآية مش كاملة والجزأ اللي حضرتك كنت كاتبع فعلا مش معناه تحريم ... يعني انا مغلطتش .. اللي غلط هو اللي جايب نص الآية وبيستشهد بيه ... انا مقلتش مش دليل انا قلت لو ملهاش باقي يبقا مش دليل .. معلش تفهم انت ايه من الآية كدا " قال الله تعالى: "لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين" " ؟؟؟؟
وبعدين اظن اني اتكلمت فيها برضه قبل كدا .. وقلتلك محاولات خلق التبريرات انك تفضل تلعب اللعبة مع علمك المسبق بوجود صهاينة فيها هو قبول ضمني انك تلعب معاه دا طبعا غير انك وافقت عليها مسبقا .. ومفيش حاجة اسمها مجبر .. يعني انت لو دخلت مثلا ايفينت CTF وهو دخل معاك في نفس التيم مش هيبقا لعب معاك ؟؟ لو دخل قصادك مش هيبقا لعب قصادك ؟؟؟ وطبعا دا مع اعتبار اى ايفينت تاني ممكن تعمله جوي ماكس ويضطرك انك تلاعبه . يعني الباب مفتوح شئت ام ابيت ... مش عارف بتلفوا وتدوروا حواليها ليه ؟! هو انتوا فاكرين اني بقولكم انها حاجة كويسة ؟ لا هى حاجة زبالة واللعبة اصلا معفنة !! وربنا يقويني اني اسيبها
واذا فعلا هتستشهد بالدين روح لف في كل مدينة وبص سكلات كل كركتر وشوف الرموز اللي موجودة كلها وانت بتلعب بيها .. لو انت خايف على الولد انه يتغسله مخه .. فالرموز ديه اسمها subliminal -message
وهى اداة بتستخدم في غسيل المخ بشكل غير مباشر .. اقرا عنها واقرا عن الافكار الصهوينية والماسونية .. ولف في اللعبة .. وبعد كدا خد دا كله واجري على اى شيخ .. هاتلي دليل واحد ان اللي بتعمله في اللعبة بعد دا كله حلال !! لكن انا مش بقول ان علشان فيه غلط يبقا تعمل كل غلط علشان برضه كلامي ميتقولش .. بس هى نقطة غسيل المخ عموما اللي حضراتكم بتتكلموا عليها ويكانها اصلا مش موجودة لحضراتكم
اقتباس:
يعني كده مين اللي مطبع مع الصهاينة؟
إحنا علشان بنلعب في لعبة هم موجودين فيها؟
وللا إنت (مثلا) وإنت بتتعامل معاهم جوه اللعبة مباشرة؟وللا إحنا الإتنين؟
وللا محدش فينا كده مطبع معاهم؟ مع إنها تبقى غريبة ألعب وأهزر وأضيفه فريند وأدخله بارتي وأسأل عليه ومفيهاش تطبيع ولا أيتها حاجة خالص
|
التطبيع هو بشكل عام اعتراف رسمي بالدولة الصهيونية وهى اللي بيطلق عليها " اسرائيل " وبالرغم من انها موجودة فعلا بشكل غير شرعي احنا بنتجاهلها وبنعلن استعدادنا للدخول في حرب معاهم من اجل تحرير جزء من الوطن العربي ..وبغض النظر عن التشبيه بتاعك .. ازاى لشخص انت اصلا قلتله انك ضد دولته شكلا وموضوعا وعلى استعداد الاستشهاد في سبيل انك تمحيها من على وش الارض وبعد دا كله يبقا مطبع معاه وقابل بدولته ؟! التطبيع مش اللي حضرتك بتقوله التطبيع اكبر من كدا بكتير قوي مع كامل احترامي لذات حضرتك فهناك فرق بين الحقائق وبين الآراء ..
اقتباس:
|
كلام جميل .. بس معالج إنتل مش مكتوب عليه صنع في إسرائيل علشان تقول لي مطبع معاهم .. ده غير إنك لو إتكلمت عن كل حاجة أمريكية إتدخل فيها اليهود وربطت ده بإسرائيل يبقى فكرتك غريبة جدا .. متدخلش اليهود كديانة في الصهيونية كفكرة .. بس أحييك على إختيارك للمعالج بتاعك عالأساس ده
|
آسف اخي منطق امريكا غير اسرائيل هو عموما مرفوض بالنسبة ليا .. الاثنين وجهان لعملة واحدة .. وشركة انتل تستحوذ عليها مجموعة صهيونية بالفعل ... اما بالنسبة لنقطة ان فكرتي غريبة .. حضرتك انا بكلمك على الناس اللي بتقول كدا .. انا بشكل عام مقدميش حلول كافية وشايف ان الفكرة فعلا غريبة لو حضرتك اخدت بالك من كلامي اللي انا قلته :) اما بالنسبة للمعالج فنقطة انه صهيوني دا كان احد العوامل .بمعنى لو كان الوحيد اللي هيقدم احتياجات كنت للاسف ممكن اشتريه ..
اقتباس:
كل الدول الغربية شايفين الإسلام والعرب بنظرة مش كويسة وخاطئة تماما .. مش معنى كده ننعزل عن العالم .. يعني يبقى فيه تعامل سياسي بتقتضيه المصلحة العامة للطرفين .. بس الشرط هنا إن ميكونش الطرف التاني مستمر في جريمته حتى الآن زي إسرائيل..
ثم مين قال لك إني متقبل أمريكا عادي .. أنا قلت مع بعض التحفظ على أمريكا للسبب ده..
ومين قال لك إن إسارئيل جرائمها أقل من نصف جرائم الأمريكان؟ إيه الكلام الفاضي ده؟
|
اخي الكريم ما علاقة نظرة الدول الغربية للعالم العربي والاسلامي باللي قلته .. انا بسرد لحضرتك دول امريك قضت عليها بشكل كامل ودمرت عائلات بها زيها زي فلسطين وحضرتك بتقولي بعض التحفظ ؟!! ازاى ؟!!!! الطرف الثاني لولا ضغط الشعب عليه لانهم مضرروين من الاجندة الصهيونية اللي بتنفذها الحكومة الامريكية . لا يمكن كان ينسحب من اى دولة اسلامية !!! لكن عادة الحكومة الصهيونية تمثيل انها تهتم بالشعب الامريكي ولكن الحقيقة هو زيها زي الصهاينة المتخلفين اللي راحوا سكنوا في فلسطين .. كلهم مجرد وسيلة لحلمهم الاكبر
اقتباس:
هم فعلا خططوا لوجود دولة لإسرائيل أكتر من 100 سنة .. بس إحنا اللي أفقنا ضيق ..
وفي النهاية اللي خططوا ماتوا والصهاينة إحتلوا فلسطين فعلا..
وأنا مليش دعوة بالتجارة بين مصر وأمريكا او إسرائيل ..أنا بتكلم عن نفسي واللي أقدر عليه .. انا مش رئيس الجمهورية..
وإحنا مش بنضحك على نفسنا .. إحنا نفسنا كل ده يتغير ونفسنا نكون أحسن بس الل نقدر عليه دلوقتي إني لما يبقى فيه واحد صهيوني قدامي (أو عالنت) مضيفهوش عندي وألعب معاه وبعد ما نخلص لعب يروح يرشح في الإنتخابات حزب دموي من اولوياته قتل الفلسطينيين
|
انت فعلا شايف ان الناس بتتغير ؟؟ جميل يا ريت اما نشوف
اقتباس:
فعلا ده بيحصل للأسف..
بس مقلتش إن ده السبب الوحيد..
أنا بقول إن الأنظمة الفاسدة اللي حكمتنا وضيعت إقتصادنا بالسرقة شوية والإهمال شوية بالإضافة للأنظمة الكبرى اللي بتتدخل في سياستنا الداخلية زي ما حضرتك قلت عن الصادرات اللي فيها منجات صهيونية .. كل ده خلانا مش عارفين ناكل عيش فضلا عن إننا نوصل للي عملته اليابان أو غيرها .. إنت مسمعتش متوسط دخل الشعب المصري وللا إيه؟ عاوزه يخترع إيه ده؟ وللا يتقدم إزاي؟
|
لا يا صاحبي .مشكلتي مع الشعب المصري . اني لما اشوف واحد يرفض دا كله .. ويطلع ستين واحد في المترو يقولولي دا بيخرب البلد وما احنا عايشين بناكل وبنشرب .. يبقا متلومنيش لما افقد الامل ؟!! لما واحد كل فكرته ان رفض المجلس العسكري معناها ان الجيش هيمشي " متعرفش فاكره هيروح المريخ ولا ايه " وينزل يشتم ويرمي عليك طوب علشان رافضه بالرغم من انه لا مؤاخذة حمار مش فاهم اى حاجة يبقا متلومنيش برضه !!!
للاسف في حاجات كتير الشعب غلطان فيها بس احنا اللي بنعمي عنينا عنها