بجد أنا مستغرب mizospade جدا في كل كلامه..
إزاي يبقى عدوي وممكن أقابله في الحرب (بس تيجي الحرب دي) ومعترف إنه مغتصب أرض مش بتاعته (أو على الأقل عايش فيها وهو موافق ضمنيا عاللي بيحصل في الفلسطينين) .. وبعد كل ده ألعب معاه وأتعامل معاه؟
ومين قال إن الدين محرمش التعامل معاهم؟
قال الله تعالى: "لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين"
هم دول بس اللي ينفع تتعامل معاهم مهما كانت ديانتهم..
بس إنت شايف إن إسرائيل لم يقاتلونا في الدين ولم يخرجونا من ديارنا؟
.........
وبيقول إن ده مش تطبيع..
يعني إحنا الاتنين بنكره بعض بس لو إتقابلنا في اللعبة نتصاحب ونهزر ونساعد بعض..
التطبيع مش بس في ماتش الكورة أو المعاملات الاقتصادية..
التطبيع إن انت تتعامل معاهم طبيعي في أي مجال من المجالات..
ثم إنت مش مجبر تقابله في اللعبة زي دوري الكورة اللي انت مشترك فيه .. ده فيه آلافات غيره في اللعبة أجدع منه مية مرة .. لو يهودي من أمريكا حتى (مع بعض التحفظ على أمريكا) مفيش قصة كبيرة لو لعبت معاه .. بس إسرائيلي؟
وأقول دي مجرد لعبة بسلي فيها وقتي مش لازم أدخل فيها دين وسياسة؟
إحنا مقلناش تعقدها على نفسك .. إنت بس متتعاملش معاه .. شفت بسيطة إزاي؟
ثم إنت بتاخدها كده وهم لا .. الإسرائيلي ده لو بيندل مع الدنيا كلها مش هيندل معاك .. دلوقتي هتتعامل معاه في اللعبة وبعد مية سنة هتتعامل معاه في الدنيا .. نفسهم طوييييييييييل قوي..
بس أنا مبدأي واحد
أرفض التطبيع مع إسرائيل حتى لو سنه صغير حتى في أتفه وأهيف حاجة في الدنيا