لا مؤاخذة في الكلمة " بلاش تخلف " دي لعبة ايه اللي دخل فلسطين ومصر واسرائيل فيها ؟!!!
يعني انا يهمني جوا الجيم الشخص دا بيتعامل معايا ازاى .. طالما مش بيشتمني يبقا انا مش هتضايق منه
ما هو احنا فضلنا نحب في جيشنا اللي حامينا لحد ما ادانا على قفانا حد قال حاجة ؟؟ جيشنا اللي انضرب على الحدود من الصهاينة وجري بنى سور حوالين سفارتهم
انا عن نفسي معنديش مانع اني اتعامل مع واحد اسرائيلي .. واكدب عليكم لو قلت اني مشفتش .. لا انا في جيلد امريكاني ومعانا في الجيلد واحد امريكي/اسرائيلي .. بس ساب الجيم ... مضحكش عليكم انا حسيت بخسة لما فرحت انه ساب الجيم .. الشخص دا لما لاقني بشتم في اسرائيل وفتح بقه نفخته قدام كل اللي في الجيلد .. مش شتايم طبعا لان دا اسلوب العيال .. لكن بالحجج والوقائع .. وبعد كدا اتفقنا اننا نخرج السياسة من لعبة المفروض بنقعد قدامها شوية نرفه بيها عن نفسنا .. ويا سيدي لو جات الحرب محدش فينا هيرفض يحارب التاني .. بس تيجي
تعالى بقا بص على المصريين .. انا عن نفسي كنت بشوف مصريين بيسبوا الدين لبعض جوا الجيم .. يعني معلش لما تيجي من واحد صهيوني ميعرفش دينك ممكن عقلك يتقبلها وطبعا اغلب ردنا عليه هيبقا شتيمة وقلة ادب ودا غلط .. دا هيخليه بس يغلط ويزيد اكتر وانت هتشيل ذنب معاه ويمكن اكبر .. حاول تعقله بهدوأ تحببه في دينك مش تكرهه فيه .. نرجع لنقطتنا .. انهي انيل اللي يكون مسلم وعارف الدين والمفروض انه بيصلي كل يوم ؟!! ولا اللي ميعرفش عن دينك حاجة غير اسامة بن لادن !
احمدو ربنا انهم مش بيشوفوا سب الدين بتاعكم او بيفهموه .. لان كان ساعتها هيقول ما انت بتلعن دينك بنفسك عايزني انا اعملك ايه ؟!
اسرائيلي بوذي هندي .. دي لعبة .. لو حضرتك مش عاجبك التطبيع معاهم فهما موجودين في الجيم لو مش عاجبك سيبها ... بدل ما تخلي كرامتك وكرامة دينك في لعبة .. ويجي يمسح بيك الارض هو واصحابه ساعتها هيبقا انت اللي اهنت دينك بانك دخلته ودخلت كرامته في لعبة
صاحب الموضوع شكله طفل صغير ... لكن يغسله مخه ... اتهام مش حلو .. وانت ايه اللي عرفك انك مش مغسول مخك ؟؟ ما انت كمان مغسول مخك من وانت صغير .. من وانت صغير بيتقالك انك اخدت سينا بالقوة وما أوخذ بالقوة لا يسترد الا بالقوة .. مع ان سبحان الله في نفس الكتاب بيقولك ان احنا رجعنا طابا في سنة 1981 بمعاهدة السلام أى بعد 9 سنين من حرب اكتوبر المجيدة !! يعني عاوز تفهمني ان بالعقل والمنطق الكلام دا صحيح ؟!! الواقع ان احنا آه يوم 6 اكتوبر انجاز وانتصار عظيم .. لكن بعد كدا مش زي ما انت متخيل وبالعكس هما شدوا حيلهم اكتر وفرصهم في استرداد سينا لحوزتهم مرة تانية كبرت قوي .. لانهم مسنودين من قوى عظمى ... مثال آخر قارن عدد شهدائنا وقتلاهم في حرب اكتوبر عددنا يكاد يكون ثلاث اضعاف .. وبعد دا كله انت من جواك مقتنع باننا اكتسحناهم وطلعنا تيت ابو اللي جابوهم ووووو ... وجاى تقوله اوعا يغسلك مخك ويقولك احنا اللي بنينا الهرم .. لا يا اخويا احنا اللي بنيناه وبس حالنا عامل ازاى .. بنبيع سوداني ولب حواليه يا فرحتي وفرتحك بيه
