كل الانتي فايرس عموما مش هيدوك الحماية القصوى
الحماية القصوى هو المستخدم للجهاز ... يعني طول ما انت بتبعد عن المواقع المشبوهة وعن تنزيل اى حاجة قدامك طول ما انت في السليم والعكس صحيح ... " المواقع الاباحية المجانية كلها " بييئة خصبة للفيروسات والهاكينج فقط لمعلوماتك
يعني لو انت مش بتفتح في مواقع غريبة يبقا انت في السليم .. نصيحة شوفلك موقع تورنت تراكر خاص كويس وفاتح تسجيل .. سجل عليه وابقا نزل من عليه كل حاجة هتحتاجها علشان متلفش على مواقع كتير وتلبس فيروسات ...
ويجي بقا دور الانتي فيرس دور ثانوي .. ليه بقول عليه ثانوي .. لان مهما كان قوته الهاكرز بيوصلوا لثغرات فيه .. طبعا بما انك مستخدم عادي فالاغلب مش هتبقا هدف للهاكرز الكبار .. بس هيفضل وراك العيال الصغيرة منهم .. وطبعا برضه مش هيقدر يوصلك لو انت حريص ... موضوع انك تقرا رسايل في الميل دا .. نصيحة مني ليك متديش حد ميلك الاصلي ابدا .. يعني الاصلي دا خليه لشغل وكدا ومتفتحهوش على اى جهاز
بعد دا كله اقدر اقولك اى برنامج انتي فيرس يريحك .. نزله واعمله ابدايت وهيأدي الغرض وزيادة
انا عن نفسي كنت بفضل الـ bitdefender لاني من مشتركين لينك دوت نت .. ولينك بيديك مفتاح ليه تقدر تستخدمه طوال فترة اشتراكك معاهم .. فبالتالي بالنسبة ليه توفير كويس .. لكن في النسخة 2012 بوخ وبقا بيبطأ النت قوي فاضطريت اني اشيله .. ودلوقتي بغير بين كاسبر والانتي فيرس بتاع ميكرسوفت اللي هو Microsoft security essential .. بس حاجة وحيدة لازم تعرفها .. لو ضربت بكلامي عرض الحائط ومشيت تعمل كل الممنوعات .. فاعرف انك مش هتسلم من الفيروسات ابدا
آه فايدة الانتي فيرس برضه ... الناس اللي بتستخدم فلاشات .. الانتي فيرس المحترم مش بيشغلها الا لما يسئلك تعمل سكان الاول .. وطبعا لازم تخليه يعمل سكان .. ولو كسلت اعرف ان جهازك لبس فيرس