[elmohtaref_77]

السلام عليكم ورحمة الله تعالي وبركاته

أولاً:- حابب أقولكم اسباب التحديث الأخير للعبة سيلك رود...كل مافي الأمر ان اللعبه دي اخدت شهرة عالمية كبيرة جداً وخاصة في مصر وتركيا وعدة دول اوروبية ....

لكن كان في مشكلتين في اللعبه دي

1- الزيادة في اللعبه كانت بطيئة جداً جداً جداً لدرجة انك مستحيل تتلفل بدون برنامج يغنيك عن الضرب والأتاك بصوابعك .

2- السيرفرات دايماً مزدحمة جدا جدا لدرجة انك ممكن تحاول الدخول في خلال 5 ساعات علي الأقل وده كان بسبب وجود اكونتات الجولد بوت .

طبعاً السببين دول خلوا اكبر عاشق للعبة بسيبها ويدلتها من علي جهازه ... طيب واحد هايقول انت جيبت ايه جديد ...؟؟؟
هاقولك ياباشا الجديد هنا ان اللعبه فكرت تسترجع عشاقها تاني أول مره فضرب كل اكونتات الجولد بوت Block ومن ضمنهم طبعاً الناس اللي كانت شغاله ببوت Free ببلاش مش مدفوع مقدماً .

دي كانت خطوه منهم فزادوا الطين بله لأن ناس كتير سابت الجيم لأن مش معقوله علشان العب اشحن برنامج ب60 جنيه واشتري بريميم ب100 جنيه في الشهر ....

الحل التاني بقي وده الأهم انهم عملوا ابديت جديد خلوا فيه الأيتمl والاجزلر والجولد يقع لو بتضرب في وحوش قدك او اقل منك شويه , لكن لو بتضرب في موبس انت اكبر منها بـ 5 لفلاات مش هاينزلك حاجه ولا هاتزيد .

إذا قضوا علي فكرة الجولد بوت لأن الجولد بوت كان بيضرب في لفلاات هو اكبر منها بـ15 لفل .:drive1:

وكمان نزلوا لكل اكونت هدايا في الافينت الجديد الواحده بتتباع بـ 449 سيلك ...وخلولك نسبة الحظ Luky تنجح بمقدار 30% زياده يعني تجيب السلاح او الايتم +7 بسهولة ...
وكمان Double يزودك بنسبة 100%

بس الحركة دي زعلت الناس اللفلاات العالية اللي كانت معاها ايتم غالي جدا ويزيد عن 4000 آلاف جنيه لأن بالبلدي كده الروس اتساوت ...اهيف واحد في السيرفر بقي ماسك ماجيك وراري .

الخلاصة ان الشركة خسرت جمهورها وخسرت ملايين كتير وكمان اسهمها في البورصة نزلت اكتر فقررت انها تعمل New look
خد بالك بقي ان مافيش جولد بوت بعد كده لذلك سعر الاجزيلر زاد 200% وخد بالك ان الجولد بقي غالي جداً جداً لسه هايغلي لأن شركة الجولد بوت بتصفي الجولد اللي معاها خلاص بعد ماكان المليار في موقع الشركة في اوروبا بـ8% دولار صار المليار بـ12% ولسه ...يعني اللي معاه جولد يخاف عليه ...وكده كده تقدر تبلص قدام شويه اما الناس تهدا يمكن سعر الاجزيلر ينزل .

انا طولت عليكم بس حبيت اتكلم شويه معاكم واعرفكم ليه اللعبه طورت نفسها وعملت كمان سيرفرات جديده زي السيرفرات الخاصة بقيت تقدر تزيد نار وتلم جولد نار وتعمل اجمد ايتم بسهوله ...علشان ترجعكم تاني للعبه .

انا علي سيرفر مارسMars ولو في حد محتاج جولد انا مسعتد اديله عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]