[Alone iN The Sky]

ياراجل طب انا هسألك سؤالين


انت بتعمل الخير للناس وللا لربنا ؟

والثانى : الافضل اللى يفيدك هو الاعضاء اللى نسبتهم 30% أو الزوار اللى نسبتهم %70 بالمنتدى .. هل عشان شوفت بعض الاعضاء منفضين فا انت كده مش بتستفاد ؟ طب الزوار عرفت رآيهم ؟

الواحد ممكن يدخل الجنة على واحد

وبعدين مش مهم الاصدقاء

طب منا اهو بالمنتدى ده من 3 سنين ماليش اصدقاء قوى - يادوب كم واحد بكلمهم كل فين وفين بسسس بتعامل معاهم عشان ناس محترمة ومش جبانة ولا منافقة وبيعجبونى ردودهم مثلك انت و togomory - thehotline -welfa

صحيح بعض الاوقات لازم الواحد يرمى نفسه ويصاحب طاقم الادارة عشان نفوذه تكتر او يعلى لو هو عايز ذى ماشفنا اللفترة اللى فاتت وبنشوف هنا بس بنتفرج وبس - لكن انا مش من النوع ده واكيد فى غيرى كتير مش بيحب

انا احب الاصلاح ومش بحب النفاق او الخيانة .. لو مين وكان غلطان بصده فى وشه حتى لو اعز اصحابى او كان بمنصب

وفى شخصيات محترمة وعرفتهم قريب هنا مش من زمن
عادى الاصدقاء مش كل شىء برده

انا واحد صاحبى اقنعتة يدخل جامعتى بدل ما كان هيدخل شىء تانى ويتبهدل وكنت بقف معاه بكل شىء بينضر فيه وياما تعبت عشانه واعرفه من 7 سنين

اول ما دخلت الجامعة - بدأ يخبى عنى الدورات وغيره ولما فاجئته انى عارف من زمان - قالى اصل اللى قالى حلفنى ماقولش .. وعمل نفسه الموضوع انتهى وهو صح

اللى هو شغل العيال مش الرجالة - ناس تقول مصلحتى انى اهدم اللى معايا عشان انا اظهر

وعادى عاملته كويس برده لحد ما اتخرجنا ثم ترك كل الناس والسبب عشان اشتغل شغله وخايف حد يطلب منه شىء


عادى الصحاب مش كل شىء لانهم بياعين
بس المهم انت ماتبعش نفسك وخليك الافضل

وبعدين ده حال الدنيا

ربنا هو الحق والاسلام الحق والسنة اكيد

مين سمع كلام ربنا ووافق عليه ؟؟ ناس قليلة جدا لا يذكرو قصاد باقى العالم كله - رغم ان ده ربنا والحق لكن الدنيا كده بيكون نسبة الاصلاح فيها النسبة الاقل .. وطبعا ده ربنا قال لَأَمْلَأَنَّ جَهَنَّم َ مِنَ الْجِنَّةِ وَالنَّاسِ أَجْمَعِينَ .. فا عادى اما انسان يتكلم فى الحق وياخد تحيز ناس قليلة لان قلت ده حال الدنيا . وكمان اصحابك ممكن يكونو مشغولين او منافقين برده عادى جدا هو ده الحال مع كل واحد ... وحط فى بالك ان فى احسن منك مليون مرة - فانت خليك واحد منهم

وانا مش برد على المواضيع اللى ذى كده لان اللى عايز يمشى يمشى مع السلامة .. لكن انت عشان من الضمن الناس المهمة فعلا - كتبت لك كل ده .. فا انت كمان اهتم باللى اهتمو فيك