الف شكر ليك على الموضوع المتميز ده
وانا عاوز اقولك ان والله العظيم كله بالدروس بيمشى انا كنت ايام المدارس ديه مقضيها احلى تقضيها تتخيلها بس كنت بحضر الدروس والمدارس مش اوى يعنى انا مش من هواة انى اليوم اللى ما اروحش فيه المدرسه اهرب والشغل ده بس احب لو غبت عن المدرسه يوم مثلا احب انام اوى بس زى ما بقولك كده كنت بحضر الدروس وكنت باخد دروس فى كل االمواد بس مكنتش بذاكر اى حاجه اه والله بس كنت بحتفظ بالملازم بتاعت الدروس و قبل الامتحنات بخلى المدرس بتاع الماده يعملى زى مذكره فيها تلخيص المنهج كله فى 5 الى 10 ورقات فقط اه والله و مثلا بكره يبقى صابح امتحان عربى تلاقى بقى المذاكره اشتغليت اجيب الملازم اللى كنت راكنها طول السنه اقراه بس وبتبقى قراءة سريعه كمان واول ما اخلص الملازم اللى حوشتها طول السنه اروح بقى يا معلم ماسك الملزمه بتاعت المنهج كله و شغال حفظ فيها بيبقى الكلام ده مثلا الساعه 1 بليل اخلص حفظ فيها لغاية الساعه 4 الصبح يعنى حوالى 4 ساعات حفظ وانام واصحى مثلا على الساعه 6 صباحا اقوم امسك الملزمه اللى فيها التلخيص اللى حفظتها قبل ما انام الساعتين اللى نمتهم واراجع الاقى المعلومات بقيت حافظها ادخل الامتحنات نعمل احلى شغل واروح البيت بقى يا معلم اللى جاى ده اهم حته فى الكلام كله اول ما اروح البيت يا معلم اولع فى ام كل الورق بتاع الماده اللى امتحنتها و اقسم لك بالله ان الكلام ده معايا من وانا فى ابتدائى اه فعلا الكلام ده مكنش بيخلينى اجيب مجموع حلو بس بردوا مكنتش بجيب مجاميع ضايعه يعنى متوسط المجاميع اللى كنت بجيبها كل سنه حوالى 85% بس ارجع واقول ان الكلام اللى كنت بعمله ده بوظنى فى هندسه دلوقت لانى لاقيت ان الدروس ادمان وكمان مينفعش تغيب زى المدرسه ولازم تاخد درس مع المعيدين علشان تحوش الورق بتاع الكورسات اللى بتاخدها وكده بقى فطبعا بحاول على اد ما اقدر اودع حياة الكسل و اللامبالاه اللى كنت فيها لان ديه بقى هما 5 سنين فاضلين عاوز اخلص واطير بقى علشان قرفت بصراحه من التعليم كله علشان نفسى طبعا زى اى حد اشتغل واكون نفسى واهم حاجه بعد ما اعمل ده كله اتجوز مفيش حد عنده عروسه لواحد م***ظ وطيب ويحب المرح ويحب الاطفال ويحب الحياه الاسريه هههه كانى دخلتكوم فى مقر مأذون ههههههههه بس كده هيا ديه قصة حياة و بالله عليكم ادعولى ربنا يوفقنى فى الهندسه ديه وكل سنه وانتم طيبين