[™_MoameN_™]

زي ما إنتوا عارفين طبعاً إن احنا في فترة مدارس

و طبعاً كلنا عارفين ان احنا فاشلين ..

و محتجين شويه نصائح حلوااا كدا

فحبيت اجبلكم كام نصيحه كدا حلوين .. عشان نبقوا متفوقين و شطار .

اولاً : التحصيل الجيد في اليوم الدراسي

1 - كل وجبه خفيفه قبل متروح المدرسه ( بس امانه عليك يا شيخ متاكلش فول)

2 - اقعد في الفصل مع طلاب متفوقين ( وده احتمال ضعيف انك تلاقي طلاب متفوقين ) عشان يشجعوك علي التركيز في الحصه .

3 - اقعد صح علي الكرسي ^_^ يعني بلاش شغل رجل علي رجل ..

4 - حدد هدفك بفهم واستيعاب كل الاي هيشرحه الحج المعلم .

5 - متحاولش تسمع حوارات الطلاب الفاشلين .. خليك انت مع الاستاذ .

6 - بص بقه يا معلم متخفش من التساول في اي حاجه يشرحها الاستاذ عشان تفهم طبعاً



ثانياً : التحصيل اثناء المذاكره في بيت حضرتك ..

1 - تنظيم الوقت بالاحتياجات الاساسيه في حياتك

- نوم ..

- مذاكره ..

- الغذاء ..

- وقت الراحه ( رغم ان انا عارف ان وقتنا كلوا راحه ) ..

2 - لازم يا عم الحج تعمل جدول للمذاكره ولزم تعمل وقت محدد للمذاكره
و ده حسب قدراتك

عشان لما تحدد معاد ثابت للمذاكره كل يوم ده بيخلي جواك استعاد للمذاكره
و كمان ان ساعات المذاكره

بيتراوح مبين( 4 _ 5) ساعات و علي فكره الفايده هيا مش بطول المده لاء ده بمدي تركيزك في المذاكره

يعني انته ممكن تذاكر 5 ساعات مش مركز عمال تتنطط فيهوم في البيت زي القرد
ومتحصلش اي معلومه و انك تذاكر ساعة واحده بس مركز فيها جدا

3 - ان يا معلم متزودش في جدول المذاكره عن تلات مواد بس في اليوم

4 - خصص مكان معين في المذاكره عشان لما تيجي تذاكر بعد كدا يكون عندك حافز للمذاكره

واهم نقطه الكل بيعملها انك متذاكرش علي السرير عشان زي مانتوا عارفين ان السرير ده اول لما تقعد عليه هتنام

5 - ابداء بقه المذاكره بماده سهله عشان لما تخلصها ده بيديك ثقه في نفسك انك تذاكر المواد الصعبه ..

عشان لما تبدا بماده صعبه هترمي الكتاب الاي في ايدك ^_^ ده اقل حاجه ..

6 - احلي نقطه الكل بيحبها ^_^ انك لما تحس بالتعب اقف عن المذاكره
وخدلك فتره راحه يعني اقعد شويه علي الكمبيوتر و قوم تاني ..


7 - انك لما تخلص الاي ذاكرتوا لخصوا في صوره ملخصات وافكار رئيسيه عشان تعرف يا معلم ايه مدي استيعابك

8 - خلي اخر وقت من المذاكره انك تسمع فيه القوانين زي الاي في الرياضه والتواريخ زي الاي في التاريخ

9 - طبعا تنام بدري وتصحي بدري فايق ونشيط عشان تبتدي الليله دي كلها من تاني

تــحــيــاتــي ـ ــ ـ