كلامك تمام اشطه اوى ماشى ؟
ماشى
ايه بقى لما قالوا اخترعوا لمبه المسلمين والعرب مش عارف قالوا ايه والكلام الفاضى ده
كنت موجود سيادتك ساعة الكلام ده عشان ترمى الناس بالباطل ؟
وعلى فكره لو تعرف بقى المسلمين والعرب الى انت بتسخر منهم
كان فيه قبل اللمبه والكهرباء ماده فسفوريه ايام الخلافه العباسيه والفاطميه بعديها ... الخ
الماده دى الى اخترعها المسلمين وكانت بتتحط فى انبوبه شفافه كده زى الأنوار الى بتتلف حوالين الشجر فى الكفتريهات والكلام من ده
وكانت الماده دى بتمتص الضوء فى النهار وتنور باليل الشوارع عشان كانت بتتلف على البيوت
ليه بقى مقلوش شمس ومش عارف ايه من الهجس الى انت بتقوله ده ؟
والعرب والمسلمين عمرهم ما كانوا متخلفين فى علمك لو تروح باريس وفى متحف هناك مش فاكر اسمه ايه محطوط فيه كتاب لعالم مسلم اول من اخترع الحركه الميكانيكيه او بمعنى اصح الأنسان الألى
لما قال له الخليفه اصنع ليا حاجه تساعدنى على الوضوء صنع ليه انسان ألى وفى موضوع هنا كان عادل عامله للعالم ده بس مش اسم الموضوع
والعلوم الأوربيه كلها معتمده على العلوم العربيه المسروقه
واقرأ فى اى مكان هتلاقى ان اوائل من اخترعوا النظريات والأشياء العلميه فى جميع المجالات
زى الطب لأبن سينا ونظرية الضوء لجابر بن حيان والى استغلها الأجانب
وغيره وغيره
المهم
احب اقولك غضب الطبيعه مستحيل حد يسيطر عليه نهائى ومتقنعش نفسك بالى انت بتقوله
ولو كان السلاح زى ما انت بتقول كده ليه مبقاش سرى وليه مبقاش مع كل الدول
ولو كان معاهم هديك مثال
قول امريكا هتيجى تعمله فى مصر هنا ماشى يا سيدى ؟
هتغير المناخ هنا وبالتالى البحر هيتأثر وهيبقى فيه كوارث على الدول الأوربيه بالأخص
وشوف بقى الى هيحصل
اكيد الكل مش هيسكت وروسيا هتتجنن والدول الأوربيه كذلك وهتبدأ الحرب الى فى رأى هتبقى العالميه التالته
يعنى انا فى رأى انسى ان امريكا تستخدمه ضد اى دوله ولو استخدمته هينعكس على الكل
وأولهم هيا
فأنا من رأى ان امريكا مش هتستخدمه ضد اى دوله
والطبيعه من الصعب للغايه السيطره عليها