انا عايز اقول حاجة بس يا ريت محدش يزعل
طبعا كلنا فاكرين من حوالي 6 سنين كان فيه كارتون مشهور اوي اسمه "بوكيمون"
و كان ليه tokkens بتطلع في اكياس الشيبسي
قام طلع كام واحد كدة اعدو يقولو ال حاجات ديه بتطلع ليزر الحاجات ديه لو حطيتها في ميه سخنة هتدوب و هترسم مكانها علم اسرائيل و لو شربت من المية ديه هتتشل و حاجات غريبة كدة
و بعدين قالوا ان الكرتون نفسه اسرائيلي و معاني الكلمات فيه مسيئة
مثال : peckatcho = كن اسرائيلي
طب ازاي
يعني كلمة اسرائيلي ديه في اي لغة هتبقي بنفس النطق عشان ده اسم
اكيد مش هتكون " كاتشو"
و الي يغيظ بقه ان الكرتون ياباني :) :) :)
في ناس بتحب تطلع اشاعات و خلاص
و يجي واحد في التليفزيون يقول لن الفرجة عالكرتون ده حرام و الي يصر علي كده يبقي كاااااااااااااافر خارج من الملة
ايه يا ناس الكلام ده هو احنا ليه بنتلكك لاي حاجة نلزقها في اسرائيل ؟
كل حاجة تبوظ في البلد نقول ديه وراها اسرائيليين
طب الي طلع الاشاعة دية ليه ما قالش ترجم كلمة "بيكاتشو" باي لغة ؟
ما علينا من بوكيمون , انا افتكر برضه ان حوار البيبسي ده قصة مشابهة
مع العلم اني اصلا مش بشرب بيبسي