احنا كده يا مصريين منعرفش نفرق بين الصداقة و الشغل
مؤمن حبيب قلبى انت عارف انت غالى عندى قد ايه و عارف لما انت اتعزلت ظلم مين الى رجعك
مين الى اتحايل على خالد و وصلت بيا انى اطلب طردى من المنتدى عشان انت ترجع اشرافك
و عارف برضه انى الى اختارتك اول مرة للاشراف ده مش فضل ليا عليك ب العكس كل ده كان عشان شغلك و مجهودك ف قسمك
و اظن برضه قولتلك بدل المرة الف قسمين ب مجهودك و تواجدك ده كتير عليك و حيبقى سهل جدا ينطلب عزلك من واحد منهم
كل ده كان على اساس اننا اصحاب لكن الشغل شغل دلوقتى انت راجل بقالك اكتر من شهرين مكتبتش موضوع واحد ف قسمك فين يا مؤمن باشا اخبار الفورتس الى قولت انها اساسية ف اى سيرفر ؟
فين مسابقات او مواضيع او افكار لتنشيط السيرفر ؟
حضرتك بتكلمنى تقولى ادخل اعملى مسابقة عندى ف السيرفر على اساس ايه ؟ انا الى حدخل انشطلك سيرفرك مثلا ؟
ف شغلك انت مقصر و الاعتراف ب الحق فضيلة
كريم ليه فضل عليا على عينى و راسى و عمرى ما حقدر انكر فضل خالد و اندرو و كريم عليا ف المنتدى
لكن مش معنى كده انى دلدول كريم او طرطور ف ايد كريم او غيره و انت عارف كده كويس
و اول ما كريم كلمنى ف موضوعك قولتله طووول ما انت صح و معاك دليل على تقصيره انا معاك لكن مش حسمح بظلم حد سواء انت او غيرك لسبب بسيط
الى ذاق مرارة الظلم يعرف حلاوة العدل
انت لو شايف انى ظلمتك او جيت عليك دى حاجة ترجعلك
عبس قصر شهر او اقل اتعزل حضرتك مقصر اكتر من شهرين و نايم و منيم السيرفر جنبك ايه المطلوب منى ؟
قبل كده عملت تقييمين و طلعت انت فيهم ممتاز و واضح انه على الاساس ده حضرتك متطمن و من ساعة التقييمات دى ملكش اى نشاط ف القسم
زى ما قولت انا مظلمتكش ولا جيت عليك انت صاحبى و حبيبى و اظن انت عارف انا مقربك قد ايه منى ف المنتدى و برا المنتدى
لكن شغلت مشرف و مراقب دى مفيش فيها هزار شغال على العين و الراس من فوووق مش شغال يبقى سورى جدا انا الى حتحاسب على شغلك قبل ما انت تتحاسب عليه
نييجى بقى للموضوع و الكلام الى فيه
بعد ازنك يا اندرو و بعد ازنك يا كريم و بعد ازنك يا ياسر و بعد ازنك يا خالد
الراجل ده غلط فيا اكتر من مرة و المفروض ان انا الصاحب الزبالة
لكن انا مسامح ف حقى و مش عايز اى اجراء معاه بسبب الكلام ده بعد ازنكم
المطلوب عزل كينج رد سى من سيرفر رد سى بسبب قلة نشاطه
لكن اى غلط ف حقى النهارده انا مسامح فيه و مش عايز اى اجراء ضده بسبب الكلام ده
و ربنا يهديك يا صاحبى و يوفقك لما فيه الخير
ف امان الله