حاضر يا استاذي
هاحترم نفسي ...
اسف لو كان ردي ضايقك مع اني مقصدتكش انت بشخصك .. حاول تقرا الردود مرة تانية وانت تعرف ازاي مستفزة .. ده انا حتي مقولتش عليك كداب او بتكدب :|
ردك كان فيه نقل من غير ما تتأكد .. واعتقد اني وجهتلك انت كلمة او جملة لوحدك
اقتباس:
|
لو عارف حاجة ومتأكد منها اكتبها
|
لو صاحبك هو اللي كدب عليك انت من واجبك تتحري الصدق في كلامه ( يأيها الذين آمنوا اذا جاءكم فاسق بنبأ فتبينوا عسى ان تصيبوا قوما بجهالة فتصبحوا علي ما فعلتم نادمين)
ولو انت مشرف وبتغلط .. تبقي مشكلتك كبيرة ( تقريبا 10 اضعاف مشكلة العضو العادي ! ! ! )
مش غلطتي انك فهمت ردي بطريقة غلط .. او انك خدت الرد علي نفسك ... ردي كان عام ومش موجه لشخص بعينه .. اما انك تقتبس كلامي وترد عليا وتقولي احترم نفسك .. فأنا عشان اثبتلك اني محترم ، مش هأرد عليك
بالمناسبة انا كمان مش بألعب في الشارع .. لا سني ولا مكانتي تسمحلي بكده .. فأرجو انك تختار ألفاظك بما يتناسب والموقف اللي انت فيه (علي الرغم من اني كلامي مش موجه ليك برضه ، ولا لحد معين ، ولو تحب افسرلك ردي وبأرد علي مين بالظبط .. انا معنديش مانع .. ابعتلي وانا اشرح كل كلمة قولتها واقصد بيها ايه )
نقطة اخيرة بس عشان انا مش داخل الموضوع ده تاني .. عشان مزعلش مني حد (ربنا يهدينا جميعا)
انت كتبت رد بتاريخ 17/8 وقولت ان صاحبك كسب .. وبتاريخ 18/8 وبعد سؤال من احد الاعضاء ازاي صاحبك كسب قولت انك هتتأكد .. ومن يومها لغاية النهاردة 22/8 متكلمتش ولا قولت انت عملت ايه مع صاحبك .. وده بيدي فرصة للناس انها تصدق كلامك .. فتلاقي واحد راح بايع الكروت اللي جمعها كلها .. وانا لولا اني اتأكدت من الخبر كنت اول واحد هبيعهم
وعموما احنا في رمضان .. كل سنة وانت طيب .. والاعضاء طيبين .. والمنتدي بخير
في امان الله