[ThehoTLine]

الاسم

Bahaa

السن

عايش بقالى فترة

محل الاقامة

KFS

الايميل

الى عاوزة يكلمنى

الموبايل

0190000000

بتلعب على سيرفر اية

للاسف Elite 1

لفل كام

بقالى شهر 79

جيلد اية

مفيش

بتلعب فى السيرفر من امتى

انا الى منزلة الموقع اصلا بس محدش يعرف ازاى

اية اكتر حاجة جعبتك فى السيرفر او شدتك لية عشان تلبعو

الاوروبى عامة

مين اللى قالك على السيرفر او عرفك ان فى سيرفر بالاسم دة

عرفتة بنفسى وبعدين جبتة هنا

اية اكتر حاجة مش عجباك فى السيرفر ونفسك انها تتغير

امنيتك او حلمك فى السيرفر

السؤالين دول اجابتهم انى مش عاجبنى الناس الى بتشتمنا ف اللعبة
وامنيتى انة يشوفوا حل يا اما بعمل بان للناس دى ويبقى فية ناس متخخصة ف اللعبة يراقبوا الحاجات دى
او يبقى فية سيرفر للعرب شكل سيلك رود

مين اكتر صاحب ليك فى السيرفر ولية

BeGodOfWar
منساش وقفتة جنبى لما كان الاكونت لسة صغير

واحد من صحابك فية حاجة مش عجباك ونفسك انو يغير الحاجة دى
ومين هو

انا مش هاقول شخص معين لانهم عارف نفسة
نفسى يبطل استفزاز

مين اللى اول ما بتفتح المنتدى بتدور علية

هيثم - ياسر لما بحب ارخم علية :evilguy: بس طبعا مفيش فايدة
وكمان بقة اعضاء فريق الرد ع الاستفسارات عشان نشوف شغلنا
وباقى الناس بلاقيهم فاتحين ميل بكلمهم

مين اللى لو ساب السيرفر انت مش هتلعب تانى من غيرو

لا مفيش عشان انا اصلا تقريبا دخولى بقة منعدم
فا مش ف دماغى

مين اللى لو احتجت مساعدة فى الجيم هتطلب منو ومتاكد انة هيساعدك

لو انا عاوز حاجة بعرف اجبها كويس :fireman1: مش بطلب اى حاجة من حد

اية السؤال اللى نفسك تسالة لواحد صاحبك بس خايف انة يزعل
وهو مين .. واية هو السؤال دة

احمد عبدالهادى :- انت لية رخم وعيل ......:giggle:
Remover :- لية دايما بتتعصب ع طول ومش بتفكر

هيثم :- لية ديما مصمم تضايقنى وتعصبنى كل شوية بام الكلمة الى انت ماسكها عليا دى
بس ليك يوم

لية مش بتعرف تاخد القرار المناسب ف الوقت المناسب بهدوء وتركيز :-™_Ahmed_™

مين اللى بتثق فية ثقة عمياء

مفيش حد اقرب واحد ليا لازم يكون ع البر التانى ( خدها قاعدة ف حياتك )

اكتر موقف محرج حصل معاك فى السيرفر واية هو

مفيش

اية هى اكتر اكلة بتحبها

مكرونة بالبشاميل

اية هى هواياتك المضفلة

- Data DestrucTion
Spying
- Encryption

اية هو ناديك المفضل

للاسف الزمالك

حال البلد دلوقتى عاجبك ولا لا

عاجبنى ع الاقل احسن من الاول بكتير

اية اللى نفسك يتغير فى البلد بس مفيش فى ايدك حاجة عشان تعملها

منظومة التعليم الفاشلة عاوزها تبقى زى امريكا والصين
يشوف الطالب مخة رايح لاية وبيحب اية ويركزوا عليها مش يديلو مواد تكرة ف نفسة ومش هيطلع يشتغلك بيها اصلا

لو بقيت رئيس جمهورية لمدة يوم كامل .. هتعمل اية للشعب

هنزل مرسوم ملكى بحسب ياسر 10 سنين ع زمة التحقيق
ووايت انجل
وكمان مشرفين قسم بعيدا بالمرة
ويتلموا كلهم ف محاكمة عاملة ويتم تصفيتهم

اية هو اكتر مسلسل عجبك فى رمضان دة

الدالى - الريان - خاتم سليمان

اسمة عضويتك اية ولية اخترت الاسم دة

لا حول ولا قوة الا بالله
بالنسبة لاخترتها لية :- دا اسمى متداول ومسجل بية ف معظم المنتديات قصة طويلة ^^

من هو الممثل او الممثلة المفضلة ليك

يحيى الفخرانى - نور الشريف

من هو مطربك او مطربتك المفضلة

عمرو دياب

اية هو لونك المفضل ولية

الى بكتب بية

مين العضو اللى بتتمنى ان انت تكون مكانو

متمناش اخد مكان حد انا راضى ف الى انا فية

مين العضو اللى حصلو موفق محرج ولو كنت مكانو كنت هتعمل اية

الواد الدزمة BeGodOfWar
كل شوية يتعارك وينضرب عيل سيس لو انا مكانة طبعا مش هسيب العيال الا لو هما ميتين

لو مكونتش انت نفسك كنت تحب تبقا مين ؟

متحاولش تبقى حد تانى غير نفسك
فكر وشوف اكيد هتلاقى نفسك

موقف صعب مريت بية فى حياتك واية هو

كنت رايح مشوار مهم جدا
وبعدين ركبت التاكسى ولما وصلت بحط ايدى ف جيبى افتكرت ان نسيت المحفظة ف البيت
الراجل بدا يبصلى بصات محرجة وفهمتة والراجل تقبل الموضوع

لو حبيت تغير من نفسك اية اول حاجة هتغيرها

بصراحة انا مش شايف ف نفسى حاجة وحشة علشان اغيرها
دا مش غرور بس صراحة

لو عمرك كذبت فى حياتك .. اية اول كذبة ولية كذبتها و كذبتها على مين

انا مش فاكر بصراحة بس اكيد اول مرة بتبقى ع الوالد

ماهو منصبك فى المنتدى

مشرف فحص
( حاصل ع ترقية )
ومساعد لمشرفين القسم ف بعض الحالات

بتشتغل اية فى الحقيقة

قاعد مستنى الفرج

والدك بيشتغل اية

مهندس

عندك كام اخ / اخت

عندى اخين واخت

هل انت ناجح فى حياتك ولا مش ناجح يا ترى اية اسباب فشلك .. وهل حوالت تلاقى حل

ناجح الحمدلله

هل انت مسلم ام مسيحى ؟

مسلم

هل كنت فى منصب مهم فى المنتدى قبل كدة .. ولية اتخليت عن منصبك دة او لية سيبتو او اتعزلت منو ؟ وهل بنفسك ترجع لية تانى

قبل كدة انا كنت مشرف قسم RedSea
اتخليت عنة ممكن تقول لحظة غضب
لا مؤمن قايم بشغل كويس هناك ربنا معاة

لو رجع بيك الزمن لورا .. عايزو يرجع كام سنة ولية وهتعمل اية لو رجع بيك فعلا

لو رجع بيا الزمن 4 سنين لورا بس
كنت بدات حياتى او شغلى بمعنى اصح
واكيد دا كان هياثر عليا كتير دلوقتى

هل شاركت فى ثورة 25 يناير .. واية كان دورك

اة شاركت ف اللجان الشعبية ^^

اية رايك فى ثورة 25 يناير .. واية تعليقك عليها

التحرير
دى اقل كلمة ممكن اقولها

هل محلات الجزارة بتبيع لحمة

لا رخامة

( انا مش قولت متحطش السؤال دا ماشى ماشى )

عدد شعر راسك كام شعراية
عندك كام ودن

اقولك ومتزعلش
انا هعرف شغلى معاك كويس

لو جة واحد وانت صايم كدة لسعك على قفاك بدون اى سبب
هيكون اى رد فعلك

اكيد هفطر

تخيل لو نمت قبل اذان المغرب بدقيقة وصحيت بعد اذان الفجر بدقيقة ,,هتعمل اية

الحمدلله ع كل شئ
وبعدين مين ياحبيبى الى بينام قبل الفطار ب دقيقة دا

----------

انت قفلتنى ع فكرة