امبارح كنت انا واصحابى على الكورنيش وانتو طبعا عارفين الحبيبة علي الكورنيش عاملين ازاي
وقفشنا اتنين منهم وكان الحوار بنهم كالتالي بقي
خطيب بارد جدا جدا
هو وهى ماشيين ع الكورنيش الجو حار والشمس حارقه
هى: عطشانه
هو: وانا كمان
هى: يعنى عايزه اشرب
هو: اكيد مادام عطشانه تبقى عايزه تشربى
هى: المفروض - بما ان عندك احساس يعنى - انى لما اقولك عطشانه تجيبلى حاجه ساقعه
هو: ومين اللى هيحاسب؟؟
هى: انت طبعا
هو: منين يا حسره مانتى عارفه الكانز وغطاه
هى: ما قلتش عايزه كانز .. كفايه ازازة صاروخ
هو: طب لو هتجيبى هاتيلى معاكى
هى: يابنى انت ما بتحسش وبعدين بقالنا تلات ساعات ماشيين انت مش ناوى تقعدنا ولا ايه
هو: عندك الكورنيش كله اخهتارى الرصيف اللى يعجبك
هى: قصدى تعزمنى فى مكان شاعرى
هو: فى الحر ده.. مينفعش
هى: بلاش دى.. ناخد مركب ع الكورنيش
هو: المراكب بتغرق اليويمن دول خلينا ع البر احسن
هى: بلاش اظن ده رخيص
المركب تعالى ناكل ترمس
هو: انتى تضمنى منين ان الراجل غاسل ايده وغاسل الترمس
هى: اعوز بالله انت مقفلها كده ليه؟؟
هوصراحه معييش فلوس
هى: يا سلام!! .. مانت كان معاك امبارح
هو: امبارح دخلت السينما مع بنت حلوه كده فالفلوس خلصت
هى: بنت حلوه؟؟ !! وبتقولها فى وشى
هو:اكذب عليكى يعنى
هى.. تحرق دمى احسن
هو: انا مش شامم ريحة شياط يعنى
هى: يخرب بيت البرود
هو: برود ايه؟؟ مهو الجو مولع اهو
هى: انت اللى بارد
هو: بارد ازاى ده انا بشر عرق
هى: بقولك ايه.. روحنى
هو: اروحك؟! هو انتى متعرفيش تروحى لوحدك
هى: آآآآآآه .. طب انا ماشيه
هو: ليه يا حبيبتى؟؟
هى: حبك برص
هو: والله البرص ده بيفهم عشان حبنى
هى: بجد كده كتير
هو: كتير ايه
هى: ارحمنى .. واضح ان الحر بيجيب معاك بالعكس.. يابارد
هو: يعنى مصممه تمشى ؟؟
هى:ايوه وحالا كمان
[هو: طب استنى لما نوصل اخر الشارع
هى: اشمعنى؟؟
[هو: اصل انا ساكن هناك.. ومايرضكيش اروح لوحدى
هى: لاااااااااااااااااااااااااا انا شكلى كده هرمى نفسى فى الميه
هو: ينفع كده ولما انتى ترمى نفسك فى الميه مين هيوصلنى بقى
والنهاية طبعا تركتها انكو تقرروها
ودية حلقة النهاردة ياجماعة
معلش مفيش شغل زى كل مره اص انا نتيجتى بكره وى خايف شويه