هادا كلام ليبيين ؟
ياودي في الشك
علي خاطر اليبيين الي اعرف مايعرفوش الكلام هاد كله :D
يعني من الاخير تفكير الزواج عندهم ينقسم لحجتين ::
كانا بنت بتفكر في :
1 - الراجل الي بيتزوجها لازم يكون مكزيين يعني اقل شئ عنده محليين في سوق التلات او علي الاقل في الصالات في غوط الشعال :D
2 - الحوش مش اقل من 600 ميترو ولا شقة في زاوية الدهماني !!
3- سيارة 24 شلندري ومكيفة طبعاً واهم شئ فيها مسجل دسكات !؟
4 - يكتبلي تعهد قبل الزواج بأنه يدخل ولادي في مدرسة خاصة وامثلة :( دنيا الابداع ولا اليمامة ولا الربيع ) المهم ماتكونش اقل من 1400 دينار في العام !!
اما بنسبة للراجل فابيفكر في :
1 - البنت الي بيتوجها لازم تكون طرف !!
2 - فالحة في البازيين والمحشي والعصبان !!!!
3 - عايلتها شن برنامجهم ,, يعني المهم مايكونش ليها ام نفاخه تبلبلهم كل عيد ومايكونش ليها خو نفاخ يجني كل خميس ويقولي جنيه والنبي !!:D
4 - لسانها قصير .. يعني مش لما نجي مخر تقولي وين كنت تنسرف والكلام هادا !!
==========
ده بلمختصر رأي الشباب الليبي في الزواج :)
مش حب واحلام وردية
اي صح في الجامعة يقولو في الكلام هادا ويديرو في جو روميو وجولييت وناخدك بلحصان الابيض ونعيشو في الجنة طبرق :D
الكلام هادا عارفه ونشوف فيه كل يوم :D
لاكن لما تم المرحلة هادي مافي الي السيارة البيجو 505 وشقة داريين ومربوعة شني موافقة :D
ولا حب ولا عصيدة برب :D