قبل اي حاجه انا هنتقد حاجات كتير فتوقع ان كلام كتير ميعجبكش بس ده مش معناه ان كلامي هيبقى غلط....وانك تزعل دي فده هيبقى دليل على ضيق صدرك
اول خطأ في البداية عنوان الموضوع اول بوت عربي مجاني....ال الناس هتفهموا من العنوان ده انه هيبقى بوت زي ibot مثلا و ده طبعا مش هيحصل (العنوان مجرد دعاية بمعنى اصح)
السروكنج ايام ما بدا كان عمال يقول free for trial period حتى في العنوان الاجانب تفوقوا علينا... و العنوان الصح اول بوت عربي و اقطع لحد هنا جوه الموضوع بقه تقول انه هيبقى مجاني لفترة معينه خليك معايا للاخر
اقتباس:
المشاركة الأصلية كتبت بواسطة messi124
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
and guys i will tell u about something ofcorse bot will be free for first two month or three but after that we will make bot ip on two pc by 40LE in month that mean person can pay 20LE i month to play with bot better than sbot and other bots ! and realy i think that 20 LE is not money for our clients ^_^
|
بالنسبه للاسعار ال انت قلت عليها دي مش اسعار رمزية نهائيا يعني السروكنج تقريبا ب 45 جنيه و الاسبوت برده قريب من الاسعار دي و سيبك بقه من اسعار الموزعين عشان انت عارف ان العمولات بتبقى خياليه و السعر الرمزي ال ممكن يتقال عليه رمزي هوا سعر phbot عشان سعره 4 دولار في الشهر يعني ما يعادل 24 جنيه بالاضافه انه فيه اي بي زياده عن البوت الخاص بيكو و برده سيبك من سعر 45 جنيه عشان سعره الحقيقي 24 جنيه و الفرق ده عمولات بياخدها الموزعين (تخيل بقه) يبقى كده كلمة رمزي دي خطأ
خد بالك انا مبقولش هوا غالي او رخيص بس المفروض انت كواجهه للبوت الجديد تحط الالفاظ في مكانها الصحيح و كلمة رمزي دي مش مكانها
اقتباس:
المشاركة الأصلية كتبت بواسطة Solitary
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
خلاص خلاص اسف
وعايز اقولك من غير تجريح او اساءه فهم... الانجليزى بتاعك زباله, بلاش تتكلم بيه ولاحظ ان ده منتدى عربى يعنى بلاش تكبر فى حاجه انت مش عارفها. شكرا.
|
مفيش بعد كلام الراجل ده كلام
اقتباس:
المشاركة الأصلية كتبت بواسطة Lastshiver
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
السلام عليكم ورحمه الله وبركاته
احب اشكر كل من شارك معانا حتى ولو بكلمه واحدة
واحب اقول ان انتوا الى هتخلونا نكمل فى البوت ونخلصوا لعيونكم علشان كلامكم الجميل ده بجد انا بشكر كل واحد رفع من معنوياتنا وقال كلمة طيبة
واحب اعلق على كذا مشاركة ناس بتسأل ليه فيه يوزر نيم وباسورد
ممكن اجاوب واقول البوت هيبقى مجاني فى اول اصدار معتمد ان شاء الله والتجربة هتبقى لمدة 2 شهرين ممتدة لحد 3 شهور
وبعد كده هيبقى بسعر رمزي مش اكتر زي ما جابوكوا زميلي فى المشروع انه هيبقى بـ 40 جنيه لان هيبقى في مقر رسمي للبوت وهيبقى فيه تيم ورك شغال 24 ساعة وناس شغالة كتير والشركة هيتم ترخصها محليا ودولياً ان شاء الله
يارب يكون الكلام مفهوش اى مشكلة ويكفي كل سؤال اتسأل
ويارت لو فى اى طلبات او اراء منكم ياريت تقولوها علشان نحطها فى خطة العمل
|
اسمحلي اقولك ان معلوماتك محدوده و خيالك واسع في الحته دي بمعنى
معلوماتك محدوده انك بتقول شركة هترخص محليا و دوليا
حاجه بالعقل هوا ممكن تطلع رخصه بممارسة عمل مش مشروع؟؟البوت ده برنامج بيبقى غير شرعي لانه ممنوع استخدامه في اللعبه .... او يمكن انا ال مش فاهم قصدك ايه بكلمة هنرخصها محليا و دوليا هوا الترخيص ده حاجه تانيه غير ال انا اعرفه مثلا؟؟ ال انا اعرفه ان الترخيص ده بيبقى عبارة زي اذن لممارسة عمل معين مثلا او مهنة معينه بشرط تكون مشروعه تفتكر ان البوت برنامج مشروع؟؟؟
تتوقع انك رخصت الشركه بتاعتك رسميا جويماكس مش ممكن ترفع قضية عليك و تطالب فيها بتعويض مثلا عشان انت من الناس ال بتخسرها
اقتباس:
المشاركة الأصلية كتبت بواسطة kingofevent2
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
ان شاء الله تعملوها وربنا معاكوا وانا لو اقدر اساعدك فى اى حاجة بعرف اعملها انا معاكم انما الشروط ديه انا مش بعرف اعملها
2-انا مش حابب انى اكسر مأديفكم بس المشكلة ان حتى لو البوت عربى او مش عربى المهم البلوك واكيد هيجيب بلوك علشان انتم مش هتخلوا مصرح من جوى ماكس وحتى لو خليتوه مصرح من جوى ماكس انتم المفروض بتدفعوا كل فترة مش عارف اد اى بالضبت فلوس معينه هم اللى بيحددوها يبأة معلش يعنى ملها لزمة وبرده اعملوها علشان الناس اللى غاوية الجيم بس اللى مش بيخافوا من البلوك والبلوك مش فارق معاهم (ربنا معاكم
|
معلوماتك خطأ ميه في الميه
اقتباس:
المشاركة الأصلية كتبت بواسطة messi124
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
بص حضرتك الكلام الأنت قولتة مش صحيح 100% وألا كان ibot جاب بلوك او mbot او PHbot انما الفكرة فى انك لما بتبقى شاحن سيلك بيبقى فرصة البلوك ضعيفة وعشان تتطمن احنا هنعمل زى السبوت بى اننا هنخترق database بتاع موقع جويماكس لتجنب اى فرصة للبلوك وكمان ال DC ارجو انى اكون وضحت وبعدين احنا هنعمل سيرفر للبوت بتاعنا هيتفوق السيرفر دة على سيرفر السبوت
وشكرا للرجالة الردة على الموضوع وشكرا للمشرفين كلهم المهم انى عايز اسمع الاقتراحات
|
يا باشا انصحك انك تشوف حد غيرك يبقى واجهه للبوت بس حد يكون فاهم و انت كل مدى بتثبت انك مفيش خبره (كافيه)
حاول تقنعني يعني ايه هنخترق داتا بيس بتاع موقع جويماكس... بذمتك انت عارف معنى الكلام ده ؟؟
ما هوا لو انت اخترقت قاعدة البيانات بتاع جويماكس ممكن تعرف باسورد اي اكونت و تعمل ال انت عايزه في اي سيرفر بقه ما انت قاعدة البيانات بقت تحت ايدك بقه
الكلام ميدخلش عقل بني ادم يعني
اختراق قاعدة البيانات جويماكس دي حاجه (شبه) مستحيله الشركه بتصرف ملايين في السنه عشان حماية قاعدة بياناتها و مسمعتش قبل كده ان حد عملها و انت النهارده معنى كلامك ان كل واحد بيعمل بوت بيخترق قاعدة بينانات جويماكس !!!
ال انت عملته في السبع صفحات دولت مش تمام خالص
المتحدث باسم البوت لازم يكون فاهم.....حتى اختراق قاعدة بيانات جويماكس دي تثبت انك حتى مفيش خلفية و ده ميمنعش انك عندك مثلا خلفيه في الديزاين بس ال منفهمش فيه منتكلمش فيه
هوا مش اي كلام كبير و خلاص
و بتهيالي انك خدت كلام شكر و تشجيع كتير بس لازم حد يرد رد زيي كده عشان تراجع نفسك
اقسم بالله انا مش قصدي اضايقك ولا اكسر حماسك بس اخطائك كتير يا بوب و بتبتدي مشروعك على كلام خاطئ يخلي اي حد عنده خلفية بسيطه زي حالاتي كده ميصدقش انك هتعمل بوت اساسا
حماسك زايد عن اللزوم
و في الاخر حاول تتقبل كلامي بينك و بين نفسك
و ربنا معاك بقه