طيب يا رجاله .... التصميمين الجداد بتوعي اهم وتعديل بسيط ع القدام
التصاميم دي مش بتاعت مسابقه ولا دياولو .. ويا ريت المسابقه تستمر ليوم 30 في الشهر علشان اشترك
اولا : الصوره اللي انت عايز الPSD بتاعتها ياض يا زيكسو بعد تعديل الفونت والاستايل بتاعو
والاهم ... منسيتكش والله مع ان الامتحانات شاغلاني ... ال PSD اهي
http://mir.cr/1DHI9MLL
ثانيا:- توضيح عيوب صورتك يا زيكسو
طبعا الاستايل بتاع الفونت فاجر بس مش ماشي مع الصوره .. والشغل اللي انت ملزقه في بعض ده مش عاجبني
النجمه اللي على اخر السكينه اللي اخرها دايره دي مش متنسقه كويس وانا بقول انها ملهاش لزمه اصلا
مكان كلمة زيكسو (الحقوق) مش مكان حلو خالص
الانعكاس ع السكينه مش حلو اوي .. ده غير الدم اللي عليها .. شايف المربعات دي؟ معرفتش تعملها كلها دم ولا ايه؟
في الاخر محتاج فوتو فيلتر او اي ايفيكت ع الصوره كلها علشان تمشي لون الايد دي مع لون الصوره ويبان التصميم ف الاخر احترافي .. علشان بصراحه كده هو مهرجل شويه على عكس التصميم الفاجر اللي قبله بتاع البوستر ...
انا كده خلصت ...
ثالثا:- تعديل بسيط على صورة افرو ستايل
مش كده احلى؟
رابعا : - انا استخدمت الرندر ده قبل كده بس مش لاقي رندرات اصمم بيها
بس الديزاين ذات نفسه جديد وعايز ارائكم
خامسا : - برده رندر قديم بس صوره اجدد وافجر .... وعايز ارائكم ضروري برده
مفيش سادسا
يلا بقى , نهاركم اشطه واشوفكم على خير ..
بجد .. محتاج دعوة كل واحد منكم للثانويه العامه علشان الامتحانات مطلعا عيني
بالســـــــــــلامه يا رجاله