الناس عاملة قلق وبدور عليا وادينى جيت وهرد على كل واحد فى السريع
اول حاجة انا مقولتش انت مش فاهم فى الاشراف انا قولتلك حسن معاملتك
ومش كل موضوع حذف واغلاق وقولتلك فى الموضوع اللى انا عملته اعتبر الاعضاء اصحابك او اخواتك
متزعلش الناس منك
وبرضو قوللتلك الشكوى لغير الله مزلة ونقلت الموضوع على قسم الشكاوى
اما عن موضوع انى بتهرب متهيئلى انت لما روحت على الموضوع اللى فى قسم الشكاوى اللى انت نقلته
رديت عليك وكلمتك وانا مش مجبر ارد عليك فى الموضوع هنا بس برد علشان اريح دماغى من الصداع مش اكتر
ولا قلة مندسة ولا مستفزة الموضوع كله انى شايف اسلوب جديد على المنتديات مشرف كل ما ينزل موضوع يقفله مش اكتر
تانى حاجة يا ريت تحترم السن لو ممكن معتقدش واحد عنه 24 وداخل فـ 25 هيبقى قلة مندسة وعايز ده ومش عايز ده وهاتلى من ده يا بابا وده وحش يا بابا عيب كلامك ده طالما متعرفش انت بتتكلم عن مين مكنتش قولت الكلام ده وخلاص
اكيد كلامك صح مليون فى المية بس عايز ردك على الصور دى معناها ايه
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
===============================
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
على فكرة اصحاب الموضوعين اصحابى ومش مضايق من حد منهم بس انا بستفسر منك عن الحجات دى مش اكتر
وضحلى الفرق بينهم ايه يمكن فى واحد فيهم مميز ومفيش منه والتانى لا
انت خد اسمى مرتين كوبى مرة عملت موضوع بأسمى
ومرة قدامك اهى اقتباس
لما تبقى مكسل تبقى فعلا مكسل متقولهاش وخلاص
ولا شكاوى ولا ضد ولا مع ولا بدخل منتديات تانية ولا نيلة انا كبرت على الكلام ده
اما عن تأخيرى فى الرد لانى حضرتك دخلت موضوعك اكتر من مرة ولقيت الناس مش عايزة ترد عليك الا لما انت تقريبآ بعتلهم
الاخ اللى دخل من قسم سجسرو نيو تقريبآ يعنى دخل علشانك لانه مش بيرد هنا كتير الا بدعاوى خاصة من اصحاب المواضيع
اما عن الهيصة والظيطة والكلام اللى انت بتقوله واننا بنبوظ
متهيئلى انا قولتلك فى الموضوع بتاعى انت برنس فى البرامج وفى كل جديد وكـ عضو مفيش منك اتنين
لكن فى معاملتك كـ مشرف وانك تمسح لناس وتستنى على ناس
انت فى الاخر بتغلق الاتنين بس مين بتغلقه بسرعة ومين بتستنى عليه لغاية ما موضوعه يتحرق دى اسمها تفرقة
عيش يا برنس وربك يسهل للجميع ويسهلك الحال وتغير من اسلوبك مع الناس علشان متزعلش حد منك
بس اقولك نصيحة يا بخت من بكانى وبكى عليا ولا ضحكنى وضحك الناس عليا
انت زعلت انى غلطك وقلتلك معاملتك غلط وفرحت بناس بتشكر فيك فى وشك
طالما الصراحة بتزعلك اعتبرنى مقولتلكش حاجة ولا عملت الموضوع من اصله
===============
وبما ان فى ناس هنا كتير اصغر منى سننا وفى منهم اللى بيدرس ربنا يوفقكم كلكم
سلام عليكم يا رجالة ويا ريت محدش يكلمنى فى الموضوع ده تانى لانى حسيت انى صغرت نفسى لما قولت لحد انت غلط الناس عيزانى انافق بس للاسف متعلمتش كده ومن وانا صغير الكويس بقوله فى وشه والوحش بقوله فى وشه