[SaNo_93]

بسم الله الرحمن الرحيم
نبدأ بسم الله ....
نخش فى الموضوع لأن الناس مش بتحب المقدمات وحورات الثانويه العامه ديه.

تعريف الاكاديمي Academy ؟ هام متوقع في الامتحانات هههههههههههه

طبعا في حياتنا اكاديمية يعني مكان تعليمي و بتتعلم فيه حاجات مفيدة والاخر تتخرج بالشهادة

في سيلكرود نفس النظام

بتخش الاكاديمية وانت ابيض يا ورد وتطلع LVL 40 و 50 % كمان

الفائده من Academy

يلا نشوف الفايدة من الاكاديمي

فكرة الاكاديمي في سيلكرود عامة تشجيع الناس الجداد في اللعبة و ومجرد وجودهم

مع ناس ليفلات عالية اكيد هيفيدوهم بالمعلومات اللي يحبوها

شكل الاكاديمية عامل ازاي ؟

الاكاديمية بيبقى ليها رئيس و مساعدين وطلبة

في سيلكرود الاكاديمي ليها guardian و assistant و apprentice

ال guardian هو صاحب الاكاديمية وهو اللي بيعملها وهو المتحكم الاول في الاكاديمية

ولازم يكون ليفل 60 او اكتر

ال assistants ودول بيبقو اتنين ويعتبرو المساعدين بتوع الجارديان وبيكونو ما بين 41 - 59

ال apprentice وهما الطلبة في الاكاديمي ودول ما بين ليفل 1 - 39

وبيبقو graduates يعني متخرجين بمجرد ما يوصلو ليفل 41 ويدوسو على ايكون التخرج graduate
________
صوره

---------------------
ازاي الجارديان بيعمل اكاديمية وازاي بيدخل الناس فيها ؟

الجارديان بيروح لل npc بتاع ال storage ويقوله عاوز اعمل اكاديمي ويدفع 100 الف
100k يعني

جولد تمن ارض الاكاديمي والطوب والاسمنت والكلام ده هههههههههه

ومعاه كمان تصريح من جويماكس بعمل الاكاديمي

بمجرد ما تدفع تستلم على طول مش نظام فوت علينا بكره ههههههههههه

دلوقتي بقا عندك اكاديمية يا حلو
------------------------------
صوره



-----------------------------

تضيف الناس ازاي

بالطريقة اليدوية تدوس عالشخصية وتدوس L ( وده حرف شاشة الاكاديمي ) وبعدين تختار joining

او بالطريقة التوماتيكي عن طريق ال Guardian Matching System

طب اللي عاوز يدخل الاكاديمي يعمل برده نفس الطريقة بس هيلاقي قدامه في
الـ guardian matching system

الاكاديمي وصاحبها وليفل بتاعه و السوابق بتاعته ( يعني خرج كام واحد )

وطبعاً لازم يكون الجارديان اونلاين عشان يقبلك او يرفضك
________
صوره


________

ايه اللي هيحصل في الشاشة لما تخش اكاديمي ؟

هيظهرلك ناس كده باللون الوردي [Pink] علي الخريطه
.
اي حد اونلاين في الاكاديمي ممكن تعرف مكانه على الخريطة
________
صوره


________

نيجي باه لفايدة الاكاديمي بالنسبة لكل من ال guardian وال assistant وال apprenice

بالنسبة لل apprentice في حاجه اسمها cumulated و accumlated buff
ودي بتزودله في الاكسبرينس

ال cumulated buff

ودي بتجمعها عن طريق ضرب الوحوش

وده بياخد جزء معين من الاكسبرينس ويجمعه في صورة cumulated buff

وفي نهاية ال 24 ساعة بتضغط كليك شمال عليها ( بتظهر جنب البفات اللي بتعملها ) وتتحول ل accumulated buff

ال accumulated buff دي 20 % منها بيروحو للجارديان

و 80 % منها بيفضلو مع الطالب

ودي مجرد ما تبدأ في التشغيل بتسحب 10 نقط على كل وحش وبتديك 10 % زيادة يعني لو الوحش بيديك 2000 exp هتاخد في حالة ال accumulated buff عدد وقدره 2200 exp

ولو شغال بجولد تكت يبقى 4400 exp وهكذا

وطبعاً انت مستفيد من الحوار ده لان اللي بتكسبه من الاكسبرينس اكتر بكتير من اللي بتخسره

وبما ان الجارديان بيلم من كل ال apprentice فبيستفاد برده

________

طب الفايدة اللي بيستفيدها ال assistant

بيستفيد honor point بس ميقدرش يستعملها غير لما يتخرج من الاكاديمية لما يوصل ليفل 60 ويعمل اكاديمية مع نفسه وساعتها يبقى يستعمل ال honor points بتاعته

______

فايدة الجارديان ودي الاكبر بجانب ال accumulated buff

في حاجه اسمها evaluation point يعني نقط تقييم ونقط شرف honor point

وال honor points دي بتجيبها بمجرد تخرج ال appernice

وبتتحسب ازاي

كل ليفل أضاه ال apprentice في اكاديميتك تاخد أدامها نقطة

بشرط يكون ليفل 30 او اقل وقت الانضمام

لو اعلى من 30 مش هتاخد اي honor points

عشان محدش يفلط ويحط ناس ليفل 39 ويطلعهم 40 وتبقى هيصة
يعني لو كان داخل الاكاديمي وهو ليفل 10 ووصل ليفل 40 هتاخد 40 - 10 = 30 نقط شرف

دول بنستعملهم في ايه

بتشتري بيهم sox items

sosun و som و sos

والاسلحة دي بيكون ليها durabilty معينة و بتكون repair invalid

ولو تحب تصلحها تشتري stone of honor ودي بتشتريها ب honor points برده

وبرده بتدفع جولد لما تشتري ال sox دول بجانب ال honor points

وطبعاً الموضوع مش سهل

كان كله مسك sos sun

طب ازاي ال apprentice يتخرج من الاكاديمي ؟

لما يوصل ليفل 40 يدوس graduate في شاشة الاكاديمي ويقيم الاكاديمي وعلى اساس التقييم بياخد الجارديان evaluation points
ولما بتتخرج بتطلع بره الاكاديمي خالص وبيديك 50 % اكسبرينس زيادة في ليفل 40 كهدية

ولو مدوستش graduate قبل ليفل 41

بمجرد وصولك ليفل 41 الجارديان هيجبرك انك تسيب الاكاديمي وفي الحالة دي مش هتاخد اكسبرينس بس الجارديان ياخد honor points عادي

نفس الكلام لل assistant بيتخرج لما يوصل ليفل 60

ال assistant بياخد 10 % من ال honor points اللي خدها الجارديان

وزي ما قولنا ميقدرش يستخدمها غير لما يعمل اكاديمية خاصة بيه بعد ما يتخرج
___

باقي حاجه تانية

في ترتيب للاكاديميات على مستوى السيرفر من 1 ل 50 بيتجدد كل يوم بشرط يكون عندك 10 honor points او اكتر عشان تخش الترتيب ده وده اسمه honor rank
___

ودي شوية حاجات لازم تعرفوها

1- لو كنت جارديان وعاوز تفك الاكاديمي لازم يكون بعد 7 ايام على الاقل بعد انشائها
وفي الحالة دي هتمتنع من عمل اكاديمي تانية الا بعد 7 ايام تانية
وهتروح عليك كل ال honor points و ال rank بتاعك

اما ال apprenice وال assistant معليهومش اي عقوبة

2- الجارديان من حقه يطرد ال apprentices بس لو طرد حد يتمنع من دخول حد لاكاديميته لمده 24 ساعة

ولازم عشان يطرد حد متكونش الاكاديمية متسجلة في ال graudate matching systm

3- من حق ال apprentice ترك الاكاديمي وفي الحالة دي بيعاقب ب 24 ساعة امتناع من دخول اي اكاديمي تانية

4- من حق اي assistant ترك الاكاديميي وفي الحالة دي بيعاقب ب 72 ساعة امتناع من دخول اي اكاديمي تانية بالاضافة لخسارته 10 نقط honor

5- ترتيب المشتركين في الاكاديمي بيكون كالتالي في شاشة الاكاديمي

guardian وده ليفل 60 فيما فوق

Intermidiate Guardian وده من ليفل 50 - 59

Beginner Guardian من ليفل 40 - 49

Expert Apprentice من ليفل 31 - 39

Intermidiate Apprentice من ليفل 21 ل 30

Apprentice من 11 - 20

Beginner Apprentice من ليفل 1 - 10

المشاركة الأصلية كتبت بواسطة عاشق الليل عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أولا هفهمك أيه نظام الهونور بفف ومين الي بيخده :

1-الهونور بفف بيكون لأول 50 واحد علي السيرفر معاهم بوينت (يعني أكتر 50 لاعب معاهم بوينت)

ويتم ترتيب البفف كالتالي :
1- أول 5 علي السيرفر بيكون معاهم 3 بفف وكينج بفف .
2- من 6 : 15 علي السيرفر بيكون معاهم 3 بفف.
3-من 16 : 30 بيكون معاهم 2 بفف .
4-من 30 : 50 بيكون معاهم 1 بفف.

نيجي بقي مين هما اول ناس دولا

الناس دي تكون خرجت أكونتات كتييير جدا عشان يخدوا منهم بوينت
عندنا في سيرفر ريد سي كمثال
أخدت انا أول بفف وأنا معايا 600 بوينت هونور وكنت ترتيب 45 علي سيرفر دولقتي معايا 800 هونور وترتيب
تقريبا 37 + - مش فاكر بظبط

كابتن كابتن يعني الموضوع كده ملوش دعوة خرجت كام أكونت ؟؟

ايوة ياعم الحاج كل الموضوع موضوع بوينت .

تمام فهمنا الفكرة

كابتن طيب وازاي أجيب أحسن بوينت ويكون في السريع والأنجاز عشان العيال الي بيدخلو معايا بيخنوئوني ؟؟

أولا عايزك تفتح اللعبة وتطرد كل العيال دي

لو عايز تجيب بفف لازم تعمل أنت الأكونتات بنفسك

أزاي ياكابتن ؟؟

دي طريقتي الي أنا ماشي بيها تمام ومريحاني

1- يفضل بعض الأبديت تعمل كرييت لـ 5 أكونت (متكونش عايزهم عشان هيخدوا بلوك).

2-تدخل تعمل كرييت لكراكتر أوروبي (أصغر جسم ومعاه 1H و Shield ).

3-هتنزل بيهم في CON أدي كل أمونت 100 ك جولد وروح سماركاند سبتهم في سماركاند.

4-خد الـ5 كراكترات ووديهم عند الأونج من لفل 1 : (28 , 30) الموضوع ده هياخد 6 : 8 ساعات (حسب الباور لفل كراكتر).

5- هتاخد الأكونتات عند مكان كويس في الـMujigi وتفتح Ticket 100% الحمراء مش الزرقاء وتسيبهم بقي بقيت اليوم هيكونوا جابو لفل 40 .

6-في كل أكونت هتفتح الأكاديمي وتخرج من الأكاديمية(في لفل 40 بس) تختار أخر أختيار علي أيديك شمال (الأختيار مش هيأثر علي البوينت حتي لو أخترت أن الأكاديمي كانت زبالة)
هيديك 39 بوينت في الأكونت الكبير صاحب الأكاديمي كده ألف مبروك .

39* 5 = 195 بوينت في اليوم

نيجي بقي أزاي نكمل تجميع بوينت :

الكلام ده أخد مايقارب 24 ساعة تمام نجمع تاني أزاي :

1- بعض ما خلصنا الي فوق دولا نرجع بيهم المدينة ونشيل الجولد بقيت الـ100 ك في الستوراج.
2- نخرج وندخل تاني بالأكونتات ونعمل Delete للكراكترات الموجودة وعمل كرييت جديد بنفس النظام القديم
هتدخل هتلاقي جولد في الستوراج ونكمل الي عملته الأول .

كابتن طب ليه مسحنا الأكونتات القديمة ؟؟
عشان لو مثلا جيه الأبديت والأكونتات مخدتش بلوك تقدر تشتغل عليها تاني

معلش هو أنا ممكن بفف يروح مني لو جبته ؟؟

أيوة لو نزلت من الترتيب الي أنت كنت فيه

الموضوع مش سهل ياجدعان ومش صعب
كل الي محتاجه توفيق من الله ثم الصبر ثم الصبر

ولأي أستفسار أنا معاكم
والله المستعان

الموضوع عباره عن موضوعات مقتبسه للامانة ...

مع تعديلات كتيره مني
الصوره أنا الحطيتها وشويه حاجات كده!
يا رب اكون افتكم!

مع تحيات
SaNo