الحلقة الثانية ...
أنا : إيه .. ليه .. مين .. هو فيه إيه بقى ؟
صوت من الشارع : حرام عليكم إنتم مش بتحسو
صوت أخر : ربنا ينتقم منكم ومن أمثالكم
صوت أخر : يا رب توب علينا بقى
أنا : أستغفر الله العظيم .. أنا ساكت لهم علشان خاطرك يا حاج
الحاج : ماشي يا عم جاكي بتشان
أنا : تعالى نشوف فيه إيه ...
الحاج : إيه الهيصه دي كلها وانا الى فاكر التليفزيون وقع على حد في الشارع
أنا : هو فيه ايه يا معلمييييييييييين
واحد من الى ماشيين : مظاهرة يا عم إنت مش شايف الشعب يريد إسقاط النظام
أنا : ( مرددا معهم ) الشعب يريد إسقاط الخلاط
زينب : وإدحرج وإجري
انا و الحاج : يا رمااااااان
زينب : وتعالى على حجري
الحاج : يجي على حجر مين يا وليه .. إدخلي جوه
أنا : أيوه .. إلعب .. الفوله هتمشي وهلاقي شغل غير بتاع المعلم حلبي
زينب : يا لااااااااااااااهوي
الحاج : يا إبن الـ ...... قلت لك بلاش كلمة إلعب دي .. غيرها غيرها
الحاج : فيه ايه يا زيييييينب
زينب : الفول وقع مني و انا طالعه على السلم
أنا : يا رب تووب علينا بقى
صوت تحت : الشعب يريد إسقاط النظام .. الشعب يريد إسقاط النظام
الحاج : تيجي ننزل ياض يمكن نلاقي اي حاجه واقعه من الناس دي نأخدها نجيب بيها فول بدل الى وقع ده ؟
أنا : بس يا حج .. أنا هنزل أتصرف
(ونزلت)
أنا : يا أخ .. لو سمحت .. إيه رأيك إني أجي أنا و أصحابي و ننضم للمظاهرة
الأخ : يااااااااااا ريت وجزاك الله خيرا أنك ستخلصنا من ذلك الطاغية
أنا : بعيدا عن الكلام الى مش فاهم منه حاجه ده المهم .. في رأي إن المفروض نعمل مرتب لكل واحد يجيب أصحابه ..
الأخ : إنت متجوز ولا مش متجوز ؟
أنا : مش متجوز
الأخ : والعيب منك ولا منها لو مواخذه يعني
أنا : يا لطيف الظرفاء .. إمشي من أودامي
( وطلعت تاني )
أنا : أبويا حبيبي روح قلبي
الحاج : ممممممم ,, إطلب إطلب
أنا : أنا عايز أتجوز يا حاج .. طبعا إنت عارف قدراتي في الموضوع ده
الحاج : أه طبعا عارف .. إنت هتقولي
أنا : و خلاص أنا إخترت وهتوكل على الله
الحاج : إخترت مين ان شاء الله
أنا : زيزي وبلا فخر
الحاج : ده نوع كاكولا ؟
أنا : زيزي يابا الى هيا زوزه جارتنا
الحاج : دي رقاصه ياض
أنا : إخرس .. أقصد عيب متقولش عليها كده يا بابا دي فنانه كبيره
الحاج : فنانه على واحده ونص ياض
أنا : شات أب
الحاج : شراب إيه ياض .. شراب من غير جزمه صح ؟
انا : انت دايما كده محبطني
الحاج : محبطك إيه .. إنت ناسي ياض الملاحق الى كنت بتجبها
أنا : يا أبا إيه دخل الملاحق في الـ ......... الـ ...... الـحاجات ؟
الحاج : وهي موافقه حرته ولا ايه ؟
أنا : وهي تقدر ترفض ؟ هتلاقي عريس في مميزاتي فين ؟ عد معايا
1) عاطل
2) شحات
3) فقري
4) أهبل
الحاج : ولله معاك حق
زينب : لولولولولوللولولولولولولي ..
الحاج : فيه إيه يا وليه
زينب : أصلك كل اما تقول معاك حق يبقى هتجيب لنا كباب
الحاج : انا عمري جبت لكم كباب ؟
زينب : شوف بقى عايز يعملها مفاجأة خلاص بقى سيبك من المفاجأت .. إحنا عرفنا وخلاص يلا هقول هتجيب لنا صح ؟ هتجيب لنا ؟ ايوه يا جوزي يا حبيبي
الحاج : حبيبك ؟
أنا : العب يا أبويا يا جامد
زينب : ومستغرب ليه ؟ لا يا حبيبي فوووووووووووق ده انا زينب و الأجر على الله
( ويضربني أبويا بالشلوط زيييييييييو )
الحاج : علشان تحرم تقول إلعب قدامي على بيت زوزه
زينب : يا لهوتييييييي انت متجوز عليا ؟
الحاج : حسبي الله ونعم الوكيل .. زوزه جارتنا ابنك هيتجوزها
زينب : ماشي ماشي .. يلا ربنا يوفقك
أنا : أحم أحم .. ( وبرن الجرز )
الحاج : من أولها إحم إحم
أنا : بحبها يابا
الحاج : إنت عمرك شفتها قبل كده
أنا : ( برن الجرز )
وتفتح زوزه و .............