إلبسوا حادثة النهار ده .. كانت مع عالم الفضاء الشهير حسونه أبو لبة وربع .. كان بيراقب الفضاء بالتلسكوب بتاعه =)) وفجأه دخل الحمام وطلع ملهوش .. طلع يجري ويقول إلحقني يا حضرة المفتش .. وإلي كانوا مراقبينه وهو بيصور الفضاء .. حماده الأقرع .. و حموده أبو شعر .. و حميدو المقصص
وأما سألتهم .. حد فيكم شاف التلسكوب بتاع حسونه أبو لبه وربع قالوا
حماده الأقرع : عدم اللاموخذه يا حضرة المفتش .. أنا هنا بقالي ثلاث او اربعة ساعات .. وكنت بشوفه وهو بيراقب السما كده وانا كنت بتفرج عليه وأما دخل دخلت انا كمان خرجت لقيته شال الجهاز .. قلت يبقى خلص لعب .
حموده ابو شعر : تلسكوب ؟ معناها ايه الكلمه دي يا حضرة المفتش .. قصدك الجهاز الى الواد حسونه شغال بيه ليل نهار .. معقوله برده اخد جهاز تقيل زي ده .. أنا ليل نهار شغال على الكمبيوتر الكمبيوتر حديث عنه .. وسريع .. لدرجة إن الهارد باظ .
حميدو المقصص : تلسكوب إيه .. و حاجات ايه .. أنا فاضي للحاجات دي .. يعني اما يدخل الواد حسونه ويطلع ميلاقيهوش بعد ما كان بيراقب بيه .. يبقى أنا إلي خدته .. أي نعم أنا زعلان معاه .. بس مش لدرجة إني أأذيه في أكل عيشه ده .. حتى لو كان التلسكوب بتاعه ده مهم ومسلي كده .