انا كنت في الماتش هناك .. وشاركت في الداخلة .. وبصراحة الناس بتاعت ال uwk اكتر ناس تعبت .. مقعدوش طول الماتش .. حتى لما الجون جية .. فضلو يقولو قومو هنجيب جون ان شاء الله قومو شجعو يا جدعان ولغاية اخر ثانية في الماتش كانو بيشجعو .. وحتى بعد الخسارة .. نادو على حسام حسن وقالو تعالى يا حسام .. وقالو الشعب يريد الدوري ياعميد وهو رد علينا وشاور بأيدة
بما معناه .. الدوري هيجى بتوفيق ربنا اولاً ثم بيكو انتو .. وقاعد يشاور علينا ويقولنا انتو رقم 1
بمعنى اننا العامل الأول في الفوز .. وبعدية عملو تحية للكابتن طارق يحيى عكس ماقال موقع يالا كورة انو انضرب معرفش مين قالهم الكلام دة .. وهو طلع بنفسة بعديها كدبة ومرديش يعلق على حاجة احتراماً لشعور جماهير الزمالك والجماهير نادتلوة وقالتلوا مبروك وطلع مفيش اي حاجة
.. الناحية التانية بقا جماهير المقاصة .. او جماهير النادي الأهلي لأنهم كانو رافعين علم الأهلي
مش عارف لية هما ورانا ورانا عشان نخسر معني مشوفتش واحد حتى من جمهور الزمالك بيحضرلهم ماتش .. لاكن هما حضرو اول امبارح .. وحرقو علم نادي الزمالك في المدرجات وشتمونا واستفذونا بكل الطرق .. والجماهير كانت هتشتمهم .. كل الكلام دة قبل المباراه بحوالي ساعة ونص ساعتين .. لاكن كان رد الألتراس وجماهير الزمالك عليهم .. انهم قاموا بالتصفيق لهم .. ونادوهم .. شكراً يا اهلاوية .. دية اخلاقكو العالية .. ولم يتم سب اي شخص من قبل جماهير نادي الزمالك .. كل التحية والتقدير لهم .. على الرغم من عدم احتساب حكم اللقاء هدف صحيح مية بالمية .. وضربة جزاء واضحة وضوح الشمس .. لنادي الزمالك .. في محاولة من اتحاد الكرة والأعلام الأحمر الأهلاوي في افساد الدوري المصري .. في حين .. قام مراسل قناه النادي الأهلي عندما طرد ابراهيم حسن .. بأستفذاذة بشكل غير موضوعي .. وبيقولة بعد الماتش .. اية مضايق لية من الحكم .. هوا انتو اتظلمتو النهاردة كمان ؟؟ .. فضحك الكابتن ابراهيم .. وقام بتقبيل دماغة وقالة ارحل من هنا .. وسابة ومشي