قلب البيت وعمل حريقة ؟
طيب شوف انا حصل معايا ايه واكون انا عبرة لمن يعتبر
هحكيلك قصة تدل على غباء وتخلف شخص عشان اللعبة ضيع سنة بالكامل سنة كاملة والله
انا طالب ثانوية عامة
طلعت من تانية ثانوية معرفتى باللعبة دى خفيفة ومش فى دماغى عادى يعنى مكنتش بتاثر عليا بشكل كير يعنى
المهم
فى الاجازة بس عرفت البوت وبتاع وبدات تدخل دماغى
فى نص سبعة ظهرت نتيجتى ل تانية ثانوى 95%
الحمد لله تمام اتبسطو فى البيت وتمام وكدة وقولة جايلى يقولى يا باشمهندس وبتاع وهيصة
تمام قوى
دخلنا 3 ثانوى
فى شهر 9
يلا هنفصل النت عشان تعرف تركز فى مذاكرتك عشان تالتة اصعب من تانية ومحتاجة مجهوود
لااااااا ازاى مينفعش خلى النت واصل مليش دعوة لسه بدى افصلو على شهر واحد او حاجة
يبنى مش هتعرف تركز هيشتت تركيزك لا متخافوش انا هعرف احكم نفسى
طيب يا سيدى خلى النت
واشتغل فى اللعبة ولفل وبوت وكدة
مفتحتش كتاب
قالو كدة كفاية ةفى اول 10 شالو النت
فضلت متضايق وانزل فى السيبرات والعب من هناك وضيع فى الوقت وعملت مشكلة فى البيت وهدت مش هفتح كتاب غير لو النت جة تانى
على شهر 1 وصل النت
نفس القصة مفتحتش كتاب
شالو النت تانى وقالولى اعقل وركز
نفس القصة فضلت فى السيبرات
دخلت الامتحانات
لاااااا مش هعرف اقفل المواد دى كلها دو دخلتها كلها مش هقفل مجموع ابدا عارف نفسى مش مذاكر ومستحيل هجيب
طيب خلاص يا سيدى اقسم وامرنا لله (الكلام دة مش فى اول السنة دة قبل الامتحانات ب 15 يوم بس )
طيب خلاص هسيب رياضة وخلاص
ماشى
دخلت العربى
معرفتش احل قمت طالع
دخلت فيزيا صدمت وطالع
دخلت اقتصاد محلتش وطالع
كدة بقيت ماجل عربى وفيزيا ورياضة واقتصاد
والحمد لله عشان نخزى العين دخلت انجليزى
هاعيد السنة بالكامل عشان اللعبة
شوف الحال اتغير ازاى ؟
انا عارف غباء منى والله
من 95% ل واحد داخل اللجنة مش عارف يعمل حاجة
وربنا يستر على الباقى
انا حبيت اقول القصة دى عشان الناس تعرف اللعبة دى ممكن تعمل ايه
انا السنة دى مش موصل نت غير شهر واحد اجازة وهاعتزلها باذن الله مع شهر 8 كفاية سنة راحت