سلام عليكم جميعا
مع احترامى لكل اللى قولتوه !!!!
انا بشتغل فى مجال السيرفرات والبرمجة للمواقع والمنتديات بقالى 8 سنين والحمد لله
واظن لو حد هنا شغال فى المجال ده حايفهم اللى اقصده بسرعة
لما بيحصل هجوم على موقع او سيرفر زى اللى حصل على الداتا بيز بتاعة سيرفر اللعبة ... ايه اللى بيحصل ؟
1- قفل السيرفر .
2- عمل نسخة باك اب سريعا اذا امكن .
3- عمل حجز لمساحة اخرى على سيرفر اخر بعد التأكد من ان الجدار النارى بتاعه اقوى من المستخدم حاليا .
4- نقل الداتا بالكامل على السيرفر الجديد .
5- تغيير البيانات اللازمة فى الكلاينت الخاص باللعبة للربط على السيرفر الجديد .
6- عمل هجوم وهمى من خلالهم ويكون بنفس قوة الهجوم اللى حصل تقريبا للتأكد من قوة السيرفر الجديد .
كل ده تمام وحلو اوى واخره يخلص فى وقت من 3 ل 4 ايام بالكتير اوى .
طب ايه اللى مأخرهم ؟
1- الرد اللى قالوه على موقعهم تعالوا نشوف معناه ايه عشان تقريبا فى ناس مفهمتش كام نقطة فيه :
اقتباس:
Ok, here is the information you have all been waiting for.
Fire server has had a complete hardware failure, we are doing our best to recover it.
We have no estimated time on how long this will take.
Water server we have changed IP and will have a new patch as soon as we can.
While we wait for information on fire server we will open a new server [Earth]
No need to make posts complaining about this, We are doing everything we can to restore the servers.
|
وده كان بتاريخ Notice: Server Problems 17,638 1 GoneFishin ► 07-05, 06:27 News
اولا الجى ام بيقولك :
Fire server has had a complete hardware failure
وده معناه يا جماعه بكل بساطة ان الهارد وير بتاع سيرفر فاير بالكامل باظ .
الهارد وير = الهارد
زى الهارد اللى موجود فى جهاز اى واحد فيكم بالظبط
وده معناه يا اما البوردة بتاعة الهارد هى اللى باظت ( واظن اى حد فى سيرفر فاير يتمنى ده وانا بقول يارب انا كمان )
ودى حلها سهل ان شاء الله وهو انهم حايجيبوا بوردة هارد يكون نفس المساحة ونفس النوع والموديل ويغيروه مكان البوردة اللى ضربت وخلصنا على كده ويبقى كله تمام .
او تكون الميديا بتاعة الهارد هى اللى ضربت ( وانا للاسف برجح ده والا مكانوش جازفوا بخسارة ناس كتير وازاعوا الخبر ده )
وده معناه ان احتمال تصليحها لا يتعدى 5 %
طب ليه كنا نتمنى ان البوردة تكون هى اللى باظت ؟
لان البوردة كل مهمتها قراءة البيانات الموجودة على الميديا وترجمتها + ترجمة الاوامر الداخلة للميديا وتنفيذها .
اما لو الميديا يبقى كل اللى على الهارد باظ وده معناه بكل بساطة كأنك عملت فورمات لقاعدة البيانات بتاعة سيرفر فاير وكل اللى عليه راح وحايبقى كأنه سيرفر جديد لسا حايفتتحوه .
بعد كده قالك ايه ؟
Water server we have changed IP and will have a new patch as soon as we can
وده بيأكد كلامى لما قولت لكوا انهم لازم حاينقلوا على سيرفر جديد يكون الجدار النارى بتاعه اقوى وبكده يبقى لازم يعدلوا الكلاينت بتاع اللعبة للـــ اى بى الجديد بتاع السيرفر .
وده كمان معناه ان الهارد اللى عليه الداتا بتاعة سيرفر ووتر تمام ملحقش يضرب من الهجوم اللى حصل .
بعد كده قالوا :
While we wait for information on fire server we will open a new server [Earth]
وده معناه ان مش هما المسئولين عن مجاولة تصليح الهارد اللى فى الشركة الام اللى حاجزين منها المساحة .
وده كمان معناه ان املهم ان الهارد يتصلح لا يتعدى 5% بالكتير للاسف .
اما سيرفر Earth ده حايبقى سيرفر جديد مش مكان فاير بالظبط .... هو حايتفتح بصفة دائمة لهدف تانى خالص
لان اللعبة لما حايشغلوها مش معقول حايشغلوا سيرفر ووتر بس ويبقى الضغط كله عليه
لان اكيد فى ناس كتير من اللى على فاير حايدخلوا على ووتر لتضييع الوقت بس
عشان كده قالوا يعملوا سيرفر جديد لتقليل الضغط عن ووتر لحد ما يجيلهم الرد الاخير بخصوص الهارد بتاع سيرفر فاير
واخيرا البوئين الحامضانين بتوعهم اللى بيتقالوا كل مرة
No need to make posts complaining about this, We are doing everything we can to restore the servers.
ارجو مكونش طولت عليكم
انا بس حبيت اوضح اللابس اللى شوفته من الردود ومن المواضيع الاخرى بخصوص التصريح ده
^^