انا هقولك ببساطه
الاول قبل ما اقولك الفرق اكيد انت عايز تعرف ايه البت (bit ) دا ؟؟!!
32 او 64 بت دى حاجه خاصه بتشفير وتامين البيانات على الهارد
زمااان اوى كان فيه 16 بت الى هوا الدوس وبعدين حصلت ثوره وظهر 32 بت الى هوا نظام الاكس بى
وفى الاخر ظهر 64 بت
لو تلاحظ هتلاقى لما تيجى تفرمت اى بارتشن هيسالك انت عايز تفرمت fat32 ولا ntfs
هوا دا الـ 16 و 32 بت
الفرق بقى بين 32 و 64 بت
بالنسبه للبروسيسور 32 بت :
بيحتوى على نواه واحده او احادى النواه والنواه دى هيا الى مسؤله عن اجراء العمليات فى البروسيسور
( كليك يمين اسمها عمليه .. الكوبى اسمها عمليه .. مجرد تحريك الماوس اسمها عمليه !! )
مينفعش تنزل عليه ويندوز 64 بت .. مينفعش معاه الا ويندوز 32 بت فقط
بالنسبه للويندوز 32 بت :
هوا ويندوز عادى بيبقى نظام الملفات فيه بتشفير 32 بت
كل البرامج الى موجوده بتشتغل عليه عادى ومتوافقه مع نظام 32 بت
اقصى رامات ممكن يقراها 4 جيجا ( لو حطيت اعى من كده برده هيقرى 4 جيجا )
**********
بالنسبه للبروسيسور 64 بت :
بيحتوى على اكتر من نواه ( احادى او رباعى النواه يعنى من الاخر كانك عندك 2 بروسيسور ) ... فى البلاى ستيشن وصل 8 نواه
بيكون اسرع من الـ 32 بت ( لان بيقوم باجراء العمليات داخل الجهاز 2 نواه بدل واحده فبيكون اسرع )
ممكن تنزل عليه ويندوز 32 او 64 عادى جدا ( بس لو نزلت عليه ويندوز 32 بت هيشغل نواه واحده )
بمعنى انك مش هتاخد كل قدره البروسيسور
بالنسبه للويندوز 64 بت :
بيبقى ويندوز بنظام تشفير 64 بت
مش كل البرامج بتتوافق معاه وممكن تتسطب عليه وخصوصا اوى البرامج القديمه
بيقرى الرامات لحد 32 جيجا
اكيد بيبقى اسرع من ويندوز 32 بت
بس اختلاف السرعه اكيد مش هتلاحظه لو عندك رامات صغيره وكمان بيبان اكتر فى الحاجات الى بتتطلب قدرات البروسيسور
مثلا برامج الجرافيك العالى والتصميم و البرمجه .. الخ كل دى حاجات بتبقى عايزه بروسيسور محترم جمب الرامات
دا تقريبا بختصار الفرق بينهم
لو انت مستخدم عادى جدا للجهاز جميز واغانى وحاجات من دى يبقى مش فارقه 32 من 64 بت
بس يستحسن 32 بت
واى استفسار انا تحت امرك