الدنــــيا بتشــتى فـى عـز الحـر
أهـو ده اللى بنـاخده مـن التغييــر
و الخــير بقـى أقــوى كمـان من الشـر
علشـان ينبسطـوا فى التحـرير
هيجيـبوا كمـان ظبـاط تضحك
عيـنى عينـك فى وشــوش النـاس
طـب شفت الخبـر اللى يضـحك ؟
هنصـالح فتـح عـلى حمـاس
و المعـبر فـاتحينه مــزاوله
بنعــاند مـع تـل أبيــب
و قفـلنا كمـان أمـن الدولة
و بنعـانى فى أزمـة تعذيــب
مصـر بتتغيـر يـا جمـاعة
من غيـر مــا نغيـر فى السـاعة
حتـى اللى بيغـلط يتحـاسب
و يـارب تكـون بس اشـاعة
طب شفـت التهريـج و الخيــبة؟
هيجيـبوا رئيـس بأنتخـابات
و الخبـر اللى بجـد مصيـبة
النـاس بتقـول حــريـات
الله يمسـيك بالخيـر يـاللى
كـنت مـريحنـا من الحـوسة
و مـاكنتش أبدا بتخـلى
الشعـب يعيش مـن غيـر كوسة
خـلعوك فقـالوا يـا ندامة
و يـاريتهوم كـانوا سمعـوا كلامك
مـن غيـرك بقـى لينـا كـرامة
فعـلا ولا يـوم مـن أيـامك
^_^