انا وواحد صاحبى فكرنا اننا نفتح سيرفر خاص هو متخصص برمجه سى شارب وكفائته كويسه فى الكونسول وبنكون فى تيم عشان نقدر نفتتح السيرفر ده بس بصراحه واقعين فى مشاكل كتير ودى اللى عملت الموضوع عشان اهل الخبره يفيدونا لانى لما كلمت ناس متخصصه فى الشبكات والسيرفرات كلهم كلمونى بلهجه استضافه المواقع وطبعا دى حاجه مختلفه تماما عنها
وكل اللى باستفسر عنه ياترى اشترى سيرفر واشغله هنا فى مصر ؟ والا ااجر استضافه فى سيرفر امريكى ؟؟
ولو اشترينا سيرفر ياترى ايه المواصفات اللى ينصح بيها الخبراء ؟؟ ولو اجرنا مساحه فى سيرفر خارجى ياترى ايه حجم المساحه اللى هانحتاجها ؟ وياترى ايه حجم الباندويث اللى هانحتاجه مع العلم ان السيرفر مطلوب انه يشيل 2000 يوزر بكفاءه
وفى سؤال تانى احنا عشان نعمل تيم مكتمل يقدر يقدم دعم مستمر للسيرفر محتاجين فيه كام واحد يشتغل معانا ووظائفهم تكون ايه ؟؟ يعنى دلوقتى انا تخصصى مصمم مواقع فقط وصاحبى مبرمج وان شاء الله داخل معانا واحد متخصص شبكات معاه MCSE ياترى محتاجين خبرات تانيه فى مجالات تانيه ؟ والا احنا كده تمام ؟؟ طبعا انا باسال لانى انا الوحيد اللى فيهم اللى يعرف اللعبه دى ولعبها
يعنى معرفتهم باللعبه تقريبا معدومه وانا بصراحه ماعرفش التيم اللى هانكونه محتاجين فيه خبرات ايه تانيه غير كده
يعنى بكل بساطه انا عايز حد يفيدنى بالخطوات اللى هانعملها عشان نقوم بسيرفر مصرى 100% يقدم كل خدمات سيلك رود بكفائه وعشان المشروع مايفشلش مننا لان تقريبا انا حاسس ان تكلفته هاتكون عاليه علينا واحنا شباب فى بدايه حياتنا ومش عاوزين الموضوع يقلب معانا بفشل او خساره
ياريت لو فى حد عنده خبره يفيدنى بالاجابه